PRAVASIVARTHA

യുഎഇ കാബിനറ്റ് പ്രഖ്യാപിച്ച പട്ടിക പ്രകാരം 2024ൽ യുഎഇ നിവാസികൾക്ക് കുറഞ്ഞത് 13 പൊതു അവധി ദിവസങ്ങൾ ലഭിക്കും. ഏഴ് ഔദ്യോഗിക അവധികളിൽ നാലെണ്ണം വാരാന്ത്യങ്ങളിലായിരിക്കും. ഏറ്റവും കൂടിയത് ആറ് ദിവസത്തെ ഇടവേളയാണ് ഈ വർഷം ലഭിക്കുന്നത്. ജീവനക്കാർക്ക് ഒരു വർഷത്തിൽ എടുക്കാവുന്ന 30 വാർഷിക അവധികൾക്ക് പുറമേയുള്ളതാണ് ഈ അവധികൾ. യുഎഇയിലെ ഭൂരിഭാഗം പ്രവാസികളും തങ്ങളുടെ രാജ്യങ്ങളിലേക്ക് യാത്ര ചെയ്യുന്നതിന് വാർഷിക അവധികൾ ഉപയോഗിക്കുന്നതായി കഴിഞ്ഞ കുറച്ച് മാസങ്ങളായി നടത്തിയ ഒന്നിലധികം യാത്രാ സർവേകൾ വ്യക്തമാക്കുന്നുണ്ട്. ഇസ്ലാമിക കലണ്ടർ അനുസരിച്ചാണ് അവധികൾ നിശ്ചയിക്കുന്നത്.

ഇനി യുഎഇയിൽ വരാനിരിക്കുന്ന പൊതുഅവധികൾ ഇവയാണ്,

ഇസ്ലാമിക പുതുവത്സരം: ഒരു ദിവസത്തെ അവധി
ജൂലൈയിലായിരിക്കും ഇസ്ലാമിക പുതുവത്സരം വരുക. ഹിജ്‌റി വർഷത്തിലെ ആദ്യ ദിവസമായ മുഹറം 1, ജൂലൈ 7 ഞായറാഴ്ച വരുമെന്നാണ് പ്രതീക്ഷിക്കുന്നത്. ഒരു ദിവസത്തെ അവധിയാണ് ലഭിക്കുക.

മുഹമ്മദ് നബി (സ)യുടെ ജന്മദിനം
ഇത് റാബി അൽ അവ്വൽ 12-ന് ആണെന്ന് വിശ്വസിക്കപ്പെടുന്നു. ഗ്രിഗോറിയൻ കലണ്ടറിലെ തീയതി വ്യക്തമല്ല.

ദേശീയ ദിവസം
വർഷത്തിലെ അവസാനത്തെ ഔദ്യോഗിക അവധി ദൈർഘ്യമേറിയതാണ്. ഡിസംബർ 2, 3 തീയതികളിലാണ് അവധി വരുന്നത്. തിങ്കൾ, ചൊവ്വ അവധി ദിനങ്ങൾക്കൊപ്പം വാരാന്ത്യത്തിലെ ശനി-ഞായർ കൂടി ലഭിക്കുമ്പോൾ നാല് ദിവസത്തെ അവധിയാണുണ്ടാവുക.

2024​ന്റെ തുടക്കത്തിൽ പുതുവത്സരത്തിന് 3ദിവസത്തെ വാരാന്ത്യമാണ് യുഎഇ നിവാസികൾക്ക് ലഭിച്ചത്. ഈദ് അൽ ഫിത്തറിന് 6 ദിവസവും ഈദ് അൽ അദ്ഹയ്ക്ക് 4 ദിവസത്തെ അവധിയുമാണ് ലഭിച്ചിരിക്കുന്നത്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/JPixZWmtID0Jd9EcWTSEyq