യുഎഇയില്‍ പാക്കിസ്ഥാന്‍ മാമ്പഴങ്ങള്‍ എത്തി. കാലാവസ്ഥാ വ്യതിയാനം മൂലം പാക്കിസ്ഥാനില്‍ ഉല്‍പാദനം കുറഞ്ഞിട്ടുണ്ടെങ്കിലും, പഴത്തിന്റെ വിതരണം തൃപ്തികരമാണെന്ന് മൊത്തക്കച്ചവടക്കാരും ചില്ലറ വ്യാപാരികളും പറഞ്ഞു. എന്നിരുന്നാലും, പാക്കിസ്ഥാനിലെ പണപ്പെരുപ്പവും ചരക്ക് ചാര്‍ജും വര്‍ധിച്ചതിനാല്‍, യുഎഇയിലും വില അല്പം കൂടുതലാണ്.
ഈ മാസം 20 മുതല്‍ പാക്കിസ്ഥാന്‍ സര്‍ക്കാര്‍ കയറ്റുമതി അനുവദിച്ചതോടെയാണ് പാക്കിസ്ഥാന്‍ മാമ്പഴ സീസണ്‍ ഔദ്യോഗികമായി ആരംഭിച്ചത്. ‘മേയ് 23-ന് എത്തിയ ആദ്യത്തെ കപ്പല്‍ ‘സിന്ധ്രി’ ഇനത്തിന്റെ ഏകദേശം 192 കണ്ടെയ്‌നറുകള്‍ കൊണ്ടുവന്നു, ഏകദേശം 4,600 ടണ്‍.’ എന്ന് മുസ്തഫ അല്‍ത്താഫ് ഹുസൈന്‍ ട്രേഡിങ് കമ്പനിയുടെ മാനേജിങ് ഡയറക്ടറായ അല്‍ത്താഫ് പറഞ്ഞു.
പാക്കിസ്ഥാനിലെ പണപ്പെരുപ്പവും ചരക്ക് ചാര്‍ജും 280 രൂപയില്‍ നിന്ന് 320 രൂപയായി വര്‍ധിച്ചതിനാല്‍ ഈ വര്‍ഷം മാമ്പഴത്തിന്റെവില അല്‍പ്പം കൂടി. വരും മാസങ്ങളില്‍ ചരക്കുകൂലിയില്‍ രണ്ട് മുതല്‍ അഞ്ച് ശതമാനം വരെ വര്‍ധനയുണ്ടായേക്കും. വിതരണക്കാര്‍ അല്‍പ്പം കൂടിയ വിലയാണ് ഈടാക്കുന്നതെന്ന് വ്യാപാരികള്‍ പറയുന്നു. 6 കിലോ ഭാരമുള്ള സിന്ധ്രി മാമ്പഴങ്ങളുടെ ഒരു പെട്ടി നിലവില്‍ മൊത്ത വിപണിയില്‍ 28-30 ദിര്‍ഹത്തിനാണ് വില്‍ക്കുന്നത്.
ലോകമെമ്പാടുമുള്ള ആളുകള്‍ക്ക് പ്രിയങ്കരമാണ് പാക്കിസ്ഥാന്‍ മാമ്പഴങ്ങള്‍. സിന്ധ്രി, ചനുസ ഇനങ്ങളുടെ ഉയര്‍ന്ന പള്‍പ്പ് , സുഗന്ധം, രുചി എന്നിവയ്ക്ക് പേരുകേട്ടതാണ്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/EjhcbK10nz95RYCEOTO7FQ