യുഎഇയിൽ ഇന്ന് പൊതുവേ ഭാഗികമായി മേഘാവൃതമായ കാലാവസ്ഥയായിരിക്കും. കിഴക്കൻ തീരത്ത് താഴ്ന്ന മേഘങ്ങൾ പ്രത്യക്ഷപ്പെടുമെന്ന് നാഷണൽ സെൻ്റർ ഓഫ് മെറ്റീരിയോളജി അറിയിച്ചു. നേരിയതോ മിതമായതോ ആയ കാറ്റ് മൂലം പൊടി ഉയരും. പ്രത്യേകിച്ച് കിഴക്കോട്ടുള്ള ദിശയിൽ പൊടിക്കാറ്റുണ്ടാകും. രാവിലെ പൊടി നിറഞ്ഞ അന്തരീക്ഷം നിലനിൽക്കുന്നതിനാൽ, മൂടൽമഞ്ഞ് രൂപപ്പെടാൻ സാധ്യതയുള്ള ചില പടിഞ്ഞാറൻ തീരപ്രദേശങ്ങളിൽ രാത്രിയും ചൊവ്വാഴ്ച രാവിലെയും കാലാവസ്ഥ ഈർപ്പമുള്ളതായിരിക്കുമെന്ന് പ്രതീക്ഷിക്കുന്നു. പർവതങ്ങളിൽ തെക്കുകിഴക്ക് മുതൽ വടക്കുകിഴക്ക് ദിശയിൽ കാറ്റ് വീശുകയും മണിക്കൂറിൽ 40 കിലോമീറ്റർ വരെ വേഗത കൈവരിക്കുകയും ചെയ്യും. തീരം, ദ്വീപുകൾ, ആന്തരിക പ്രദേശങ്ങൾ എന്നിവിടങ്ങളിൽ കാറ്റ് വടക്കുപടിഞ്ഞാറ് മുതൽ വടക്കുകിഴക്ക് ദിശയിൽ വീശുകയും മണിക്കൂറിൽ 40 കിലോമീറ്റർ വരെ വേഗത കൈവരിക്കുകയും ചെയ്യും. രാജ്യത്ത് വിവിധയിടങ്ങളിൽ 49 ഡി​ഗ്രി സെൽഷ്യസ് വരെ താപനില ഉയരും. അതേസമയം 26 ഡിഗ്രി സെൽഷ്യസായിരിക്കും ഏറ്റവും താഴ്ന്ന താപനില. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/Gng8TrrjGT6FCFNH1KiDVV