നിങ്ങൾക്ക് അത്യാവശ്യമായി ഒരു ആശുപത്രി പോകണം, പക്ഷെ ആരോഗ്യ ഇൻഷുറൻസ് കാർഡ് കാണുന്നില്ല.ഇനി അത്തരം സന്ദർഭങ്ങളിൽ ടെൻഷൻ ആകണ്ട. ആശുപത്രിയിൽ നിങ്ങളുടെ എമിറേറ്റ്സ് ഐഡി ഉപയോഗിക്കാം. എമിറേറ്റ്‌സ് ഐഡിയും ആരോഗ്യ ഇൻഷുറൻസ് പോളിസികളും തമ്മിൽ ബന്ധിപ്പിച്ചിട്ടുണ്ട്. അതു കൊണ്ട് തന്നെ അത്തരം സന്ദർഭങ്ങളിൽ എമിറേറ്റ്‌സ് ഐഡി ഉപയോ​ഗിച്ച് ആശുപത്രികൾക്ക് നിങ്ങളുടെ കവറേജ് വിശദാംശങ്ങൾ ആക്‌സസ് ചെയ്യാൻ കഴിയും. കൂടാതെ, നിങ്ങൾ എടുത്തിരിക്കുന്ന പോളിസി പ്ലാനുകൾ ആക്ടിവാണോ കവറേജ് നെറ്റ്‌വർക്ക്, ലഭ്യമായ ആനുകൂല്യങ്ങൾ എന്നിവ പരിശോധിക്കാൻ എമിറേറ്റ്‌സ് ഐഡിയിലൂടെ സാധിക്കും. യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക 
https://chat.whatsapp.com/JPixZWmtID0Jd9EcWTSEyq

എമിറേറ്റ്സ് ഐഡിയും ആരോഗ്യ ഇൻഷുറൻസും എങ്ങനെ ബന്ധിപ്പിച്ചിരിക്കുന്നു എന്ന് നോക്കാം?

യുഎഇയിലെ ആരോഗ്യ ഇൻഷുറൻസ് ദാതാക്കൾ 2017 മുതൽ അവരുടെ പോളിസികൾ ഉപഭോക്താവിൻ്റെ എമിറേറ്റ്സ് ഐഡിയുമായി ബന്ധിപ്പിക്കാൻ തുടങ്ങി. രാജ്യത്തെ ക്ലിനിക്കുകളിലും ആശുപത്രികളിലും എമിറേറ്റ്സ് ഐഡി കാർഡ് റീഡറുകൾ നൽകിയിട്ടുണ്ട്. ഇത് രോഗിയുടെ ആരോഗ്യ ഇൻഷുറൻസ് നില പരിശോധിക്കാനും ആവശ്യമായ കവറേജ് ആനുകൂല്യങ്ങൾ നൽകാനും അവരെ സഹായിക്കുന്നു. സേവനങ്ങൾ ഡിജിറ്റലൈസ് ചെയ്യാനുള്ള യുഎഇ സർക്കാരിൻ്റെ ശ്രമങ്ങളുടെ ഭാഗമായാണ് ഈ മാറ്റം കൊണ്ട് വന്നിട്ടുള്ളത്.

നിലവിൽ, ദുബായ് അബുദാബി എന്നീ എമിറേറ്റുകൾ നൽകുന്ന വിസ കൈവശമുള്ള എല്ലാ പൗരന്മാർക്കും താമസക്കാർക്കും ആരോഗ്യ ഇൻഷുറൻസ് നിർബന്ധമാക്കിയിട്ടുണ്ട്. അതുകൊണ്ട് തന്നെ അവിടെയുള്ള എമിറേറ്റ്സ് ഐഡി അപേക്ഷാ പ്രക്രിയയിൽ വാലിഡിറ്റിയുള്ള ആരോഗ്യ ഇൻഷുറൻസ് ഉണ്ടായിരിക്കേണ്ടതിൻ്റെ ആവശ്യകത ഉൾപ്പെടുന്നു. 2025 ജനുവരി ഒന്നോടെ യുഎഇയിലെ എല്ലാ സ്വകാര്യ മേഖലയിലെ ജീവനക്കാർക്കും ആരോഗ്യ ഇൻഷുറൻസ് നിർബന്ധമാക്കും. ഒരു വ്യക്തി താമസിക്കുന്ന എമിറേറ്റ് പരിഗണിക്കാതെ തന്നെ അവരുടെ ആരോഗ്യ ഇൻഷുറൻസ് പരിരക്ഷ നൽകുന്നതിന് തൊഴിലുടമ ഉത്തരവാദിയായിരിക്കുമെന്നാണ് ഇതിനർത്ഥം. യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക 
https://chat.whatsapp.com/JPixZWmtID0Jd9EcWTSEyq

ഒരു വ്യക്തി എമിറേറ്റ്‌സ് ഐഡിക്കായി അപേക്ഷ നൽകി കഴിഞ്ഞാൽ, അധികൃതർക്ക് അപേക്ഷ ലഭിക്കും. ഇത് പിന്നീട് ആരോഗ്യ ഇൻഷുറൻസ് പോളിസിക്ക് അപേക്ഷിക്കാൻ അധികൃതർ ഉപയോഗിക്കുന്നു. എമിറേറ്റ്സ് ഐഡിയുമായി ആരോഗ്യ ഇൻഷുറൻസ് ലിങ്ക് ചെയ്യുന്നതിനുള്ള പ്രാഥമിക നടപടികൾ ഇവിടുന്ന് ആരംഭിക്കുന്നു, ഗ്യാലക്‌സി ഡിജിറ്റൽ ബിസിനസ് സർവീസസ് ദുബായിലെ പബ്ലിക് റിലേഷൻസ് മാനേജർ സിറാജുദ്ദീൻ ഉമർ പറഞ്ഞു.

ആരോഗ്യ ഇൻഷുറൻസിനായി അപേക്ഷിക്കുമ്പോൾ എമിറേറ്റ്‌സ് ഐഡി അപേക്ഷ നിർബന്ധമാണ്. എമിറേറ്റ്സ് ഐഡി അപേക്ഷ ലഭിച്ച് കഴിഞ്ഞാൽ ഇൻഷുറൻസ് പോളിസിക്ക് അപേക്ഷിക്കാം. ഇൻഷുറൻസ് ദാതാവ് ഒരു ‘ഹെൽത്ത് കവറേജ് സർട്ടിഫിക്കറ്റ്’ നൽകും, ബാക്കിയുള്ള വിസ നടപടിക്രമങ്ങൾ പൂർത്തിയാക്കാൻ അത് ഉപയോഗിക്കാം. പാസ്‌പോർട്ടിൽ വിസ സ്റ്റാമ്പ് ചെയ്ത് എമിറേറ്റ്‌സ് ഐഡി പ്രിൻ്റ് ചെയ്‌തുകഴിഞ്ഞാൽ, പോളിസി നമ്പറും എമിറേറ്റ്‌സ് ഐഡി നമ്പറും ആരോഗ്യ ഇൻഷുറൻസ് ദാതാവിന് ഇമെയിൽ ചെയ്യേണ്ടതുണ്ട്. ഇൻഷുറൻസ് ഉടൻ തന്നെ നിങ്ങളുടെ എമിറേറ്റ്സ് ഐഡിയുമായി ലിങ്ക് ചെയ്യപ്പെടും,” അദ്ദേഹം പറഞ്ഞു.

എമിറേറ്റ്സ് ഐഡിയും ആരോഗ്യ ഇൻഷുറൻസും ലിങ്ക് ചെയ്യുന്നത് ഇപ്രകാരം

1. ആദ്യം എമിറേറ്റ്സ് ഐഡിക്ക് അപേക്ഷിക്കുക – അപ്പോൾ ഒരു ‘എമിറേറ്റ്സ് ഐഡി ആപ്ലിക്കേഷൻ’ ലഭിക്കും.
2. ഒരു ആരോഗ്യ ഇൻഷുറൻസ് പോളിസി നേടുക – ഒരു ഇൻഷുറൻസ് പ്ലാനിനായി അപേക്ഷിക്കാൻ നിങ്ങളുടെ എമിറേറ്റ്സ് ഐഡി ആപ്ലിക്കേഷൻ ഉപയോഗിക്കുക.
3. ഒരു ഹെൽത്ത് കവറേജ് സർട്ടിഫിക്കറ്റ് സ്വീകരിക്കുക – നിങ്ങളുടെ വിസ പ്രക്രിയ പൂർത്തിയാക്കാൻ ഈ സർട്ടിഫിക്കറ്റ് സഹായിക്കും.
4. നിങ്ങളുടെ എമിറേറ്റ്‌സ് ഐഡിയുമായി പോളിസി ലിങ്ക് ചെയ്യുക – വിസയും എമിറേറ്റ്‌സ് ഐഡിയും ലഭിച്ച ശേഷം, നിങ്ങളുടെ പോളിസി നമ്പറും എമിറേറ്റ്സ് ഐഡി നമ്പറും ഇൻഷുറൻസ് ദാതാവിന് ഇമെയിൽ ചെയ്യുക. അവർ അവയെ ഇലക്ട്രോണിക് ആയി ബന്ധിപ്പിക്കും.

ആരോഗ്യ ഇൻഷുറൻസ് നില പരിശോധിക്കാൻ എനിക്ക് എമിറേറ്റ്സ് ഐഡി എങ്ങനെ ഉപയോഗിക്കാം?

1. ഓൺലൈൻ – ഇൻഷുറൻസ് ദാതാവിൻ്റെ വെബ്സൈറ്റ് സന്ദർശിച്ച് എമിറേറ്റ്സ് ഐഡി നമ്പർ ഉപയോഗിച്ച് ലോഗിൻ ചെയ്യുക. മിക്ക ദാതാക്കളും ഉപഭോക്താവിൻ്റെ പോളിസി വിശദാംശങ്ങൾ കാണാനോ ഭാവി ആക്‌സസ്സിനായി ഓൺലൈൻ ക്രെഡൻഷ്യലുകൾ സൃഷ്ടിക്കാൻ പറയും.
2. മൊബൈൽ ആപ്പ് – നിങ്ങളുടെ കവറേജ് ട്രാക്ക് ചെയ്യുന്നതിനും അംഗീകാരങ്ങൾ ക്ലെയിം ചെയ്യുന്നതിനും നിങ്ങളുടെ ദാതാവിൻ്റെ നെറ്റ്‌വർക്ക് ആക്‌സസ് ചെയ്യുന്നതിനും നിങ്ങളുടെ എമിറേറ്റ്‌സ് ഐഡി ഉപയോഗിച്ച് ലോഗിൻ ചെയ്യാൻ കഴിയുന്ന മൊബൈൽ ആപ്പുകൾ പല ഇൻഷുറൻസ് കമ്പനികളും വാഗ്ദാനം ചെയ്യുന്നു.
3. കസ്റ്റമർ സർവീസ് കോൾ സെൻ്റർ – നിങ്ങൾക്ക് നിങ്ങളുടെ ഇൻഷുറൻസ് ദാതാവിൻ്റെ കസ്റ്റമർ സർവീസ് ഹോട്ട്‌ലൈനിലേക്ക് വിളിക്കുകയും സഹായത്തിനായി നിങ്ങളുടെ എമിറേറ്റ്സ് ഐഡി നമ്പർ നൽകുകയും ചെയ്യാം.യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക 
   https://chat.whatsapp.com/JPixZWmtID0Jd9EcWTSEyq