ദുബായിലെ നോള്‍ കാര്‍ഡ് മെട്രോ, ട്രാം, ബസ്, വാട്ടര്‍ ടാക്‌സി, പാം മോണോറെയില്‍ എന്നിവയില്‍ മാത്രം ഉപയോഗിക്കാവുന്നതാണെന്നാണോ നിങ്ങള്‍ കരുതിയിരിക്കുന്നത്? എന്നാല്‍ നിങ്ങള്‍ക്ക് തെറ്റി. യഥാര്‍ത്ഥത്തില്‍ നിങ്ങളുടെ നോള്‍ കാര്‍ഡ് ഉപയോഗിച്ച് നിരവധി കാര്യങ്ങള്‍ക്കായി പണമടയ്ക്കാം. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/EjhcbK10nz95RYCEOTO7FQ
പൊതുഗതാഗതത്തിനൊപ്പം, ഭക്ഷണത്തിനും പെട്രോളിനും നിരവധി ആകര്‍ഷണങ്ങള്‍ക്കും പണം നല്‍കുന്നതിന് ദുബായില്‍ നിങ്ങളുടെ നോള്‍ കാര്‍ഡ് ഉപയോഗിക്കാം. തിരഞ്ഞെടുക്കാന്‍ നാല് വ്യത്യസ്ത നോള്‍ കാര്‍ഡ് നിറങ്ങളുണ്ട്, അവയ്ക്ക് വ്യത്യസ്തമായ സവിശേഷതകളുണ്ട്.
എന്തിനധികം, ഒരു ടാക്‌സി യാത്രയ്ക്ക് പണമടയ്ക്കാന്‍ നിങ്ങള്‍ക്ക് ഇത് ഉപയോഗിക്കാം, എന്നാല്‍ അറിഞ്ഞിരിക്കുക, നിങ്ങളുടെ നോള്‍ കാര്‍ഡ് ഉപയോഗിമ്പോള്‍ ടാക്‌സിക്കുള്ള ഏറ്റവും കുറഞ്ഞ ചെലവ് നിങ്ങള്‍ എവിടെ, എപ്പോള്‍ ഒരു ക്യാബ് എടുക്കുന്നു എന്നതിനെ ആശ്രയിച്ച് മാറും.
നോള്‍ കാര്‍ഡ് മാറുന്നു
ഈ വര്‍ഷം ആദ്യം, റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) നിലവിലെ നോല്‍ പ്രക്രിയ നവീകരിക്കുമെന്ന് പ്രഖ്യാപിച്ചിരുന്നു. നിങ്ങള്‍ വാലറ്റില്‍ ഇനി പ്ലാസ്റ്റിക് കാര്‍ഡ് കൊണ്ടുനടക്കേണ്ട ആവശ്യമില്ല, പകരം ടാപ്പ് ചെയ്യാന്‍ നിങ്ങളുടെ ഫോണ്‍ മാത്രം മതി. ഇതിനായി നോള്‍ ആപ്പ് ഡൗണ്‍ലോഡ് ചെയ്യണം. എന്നാല്‍ ദുബായിലെ യാത്രക്കാര്‍ക്കായി ഈ പുതിയ സംരംഭം പൂര്‍ണ്ണമായി നടപ്പിലാക്കാന്‍ കുറച്ച് സമയമെടുത്തേക്കാം. അതിനാല്‍ നിങ്ങളുടെ നിലവിലുള്ള കാര്‍ഡ് ഇപ്പോള്‍ ഉപേക്ഷിക്കരുത്.
നിങ്ങളുടെ അക്കൗണ്ടിലേക്ക് പണം ചേര്‍ക്കാനുള്ള എളുപ്പവഴിയാണ് ആപ്പ് ഉപയോഗിക്കുക എന്നത്. നിങ്ങള്‍ ആപ്പ് ഡൗണ്‍ലോഡ് ചെയ്തുകഴിഞ്ഞാല്‍ ട്രാന്‍സാക്ഷന്‍ ഹിസ്റ്ററി, ക്രെഡിറ്റ്, വാലിഡിറ്റി ഡേറ്റ് എന്നിവ പോലുള്ള കാര്‍ഡ് വിവരങ്ങള്‍ കാണുന്നതിന് നിങ്ങളുടെ മൊബൈല്‍ ഫോണില്‍ ഒന്നു ടാപ്പ് ചെയ്താല്‍ മതിയാകും.
