UAE Eid Event ദുബായ്: തന്‍റെ മൂന്ന് കുട്ടികളുടെ മികച്ച ഭാവിക്കായി കൂടുതൽ പണം സമ്പാദിക്കാമെന്ന പ്രതീക്ഷയിലായിരുന്നു അഞ്ച് മാസം മുന്‍പ് നേപ്പാളി പൗരനായ മുകേഷ് പാസ്വാൻ ദുബായിൽ എത്തിയത്. ശനിയാഴ്ച, സർക്കാർ സംഘടിപ്പിച്ച ഈദ് പരിപാടിയിൽ അദ്ദേഹം പങ്കെടുക്കുകയും ഒരു പുതിയ മിട്സുബിഷി കാർ സമ്മാനമായി ലഭിക്കുകയും ചെയ്തു. “അവർ എന്‍റെ പേര് വിളിച്ചപ്പോൾ എനിക്ക് വിശ്വസിക്കാൻ കഴിഞ്ഞില്ല,” അദ്ദേഹം പറഞ്ഞു. “വെള്ളിയാഴ്ചയും ശനിയാഴ്ചയും പരിപാടിയിൽ പങ്കെടുത്തിരുന്നു. വെള്ളിയാഴ്ച വൈകുന്നേരം സൗജന്യ റാഫിൾ ടിക്കറ്റും ഒരു ടി-ഷർട്ടും തൊപ്പിയും ലഭിച്ചു. രണ്ട് ദിവസങ്ങളിലായി, മറ്റുള്ളവർ ഫോണുകളും ടിവികളും വിമാന ടിക്കറ്റുകളും നേടുന്നത് കണ്ടിരുന്നു, പക്ഷേ ഗ്രാൻഡ് പ്രൈസ് ലഭിക്കുമെന്ന് ഒരിക്കലും കരുതിയിരുന്നില്ല.” ശരിക്കും വിജയിച്ചോ എന്നറിയാൻ ഇപ്പോഴും സ്വയം നുള്ളുകയാണെന്ന് അദ്ദേഹം പറഞ്ഞു. “ഞായറാഴ്ച രാവിലെ ഉണർന്നപ്പോൾ, അത് ഒരു സ്വപ്നമാണോ എന്ന് ചിന്തിച്ചു, പക്ഷേ പിന്നീട് വലിയ താക്കോൽ കണ്ടു. ഞാൻ എന്റെ ഭാര്യയെ വിളിച്ച് വാർത്ത അറിയിച്ചു. അവർ വളരെ സന്തോഷവതിയായിരുന്നു.” അദ്ദേഹം പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek മാനവ വിഭവശേഷി, എമിറേറ്റൈസേഷൻ മന്ത്രാലയം (മൊഹ്രെ) സംഘടിപ്പിച്ച പ്രവർത്തനങ്ങളുടെ ഭാഗമായിട്ടാണ് യുഎഇയിലുടനീളമുള്ള 10 സ്ഥലങ്ങളിൽ നടന്ന ഈദ് പരിപാടി. മുകേഷ് പങ്കെടുത്തത് ജബൽ അലിയിലെ പരിപാടിയിലായിരുന്നു. മികച്ച അവസരങ്ങൾ തേടി ദുബായിൽ എത്തുന്നതിനുമുന്‍പ് ഏഴ് വർഷം ഖത്തറിൽ ജോലി ചെയ്ത മുകേഷ് ഇപ്പോൾ അൽ സഹേൽ കോൺട്രാക്റ്റിങ് കമ്പനിയിൽ സ്റ്റീൽ ഫിക്സറായി ജോലി ചെയ്യുന്നു. ഈ അപ്രതീക്ഷിത നേട്ടത്തോടെ, ജന്മനാട്ടിൽ ഒരു വീട് പണിയുക എന്ന സ്വപ്നം സാക്ഷാത്കരിക്കാൻ അദ്ദേഹം പ്രതീക്ഷിക്കുന്നു.