ദുബായ്: യുഎഇ എക്സ്ചേഞ്ച് ഹൗസിന് 3.5 മില്യൺ ദിർഹം പിഴ ചുമത്തിയതായി യുഎഇ സെൻട്രൽ ബാങ്ക് (സിബിയുഎഇ). ഭീകരതയ്ക്കും നിയമവിരുദ്ധ സംഘടനകൾക്കും ധനസഹായം നൽകുന്നതിനെതിരെയും കള്ളപ്പണം വെളുപ്പിക്കൽ തടയുന്നതിനെക്കുറിച്ചും 2018 ലെ ഫെഡറൽ ഡിക്രി നിയമ നമ്പർ (20) ലെ ആർട്ടിക്കിൾ (14) പ്രകാരമാണ് സാമ്പത്തിക ഉപരോധം ഏർപ്പെടുത്തിയത്. എക്‌സ്‌ചേഞ്ച് ഹൗസ് AML/CFT നയങ്ങളും നടപടിക്രമങ്ങളും പാലിക്കുന്നതിൽ പരാജയപ്പെട്ടെന്ന് അന്വേഷണത്തിൽ തെളിഞ്ഞതിനെ തുടർന്നാണ് പിഴ ചുമത്തിയത്. സാമ്പത്തിക ഇടപാടുകളുടെ സുതാര്യത നിലനിർത്തുന്നതിനും രാജ്യത്തിന്റെ സാമ്പത്തിക വ്യവസ്ഥയെ സംരക്ഷിക്കുന്നതിനുമായി സിബിയുഎഇ സ്ഥാപിച്ച യുഎഇയുടെ നിയമം, ചട്ടങ്ങൾ, മാനദണ്ഡങ്ങൾ എന്നിവ രാജ്യത്തെ എല്ലാ ബാങ്കുകളും ജീവനക്കാരും പാലിക്കുന്നുണ്ടെന്ന് ഉറപ്പാക്കാൻ അതോറിറ്റി പ്രവർത്തിക്കുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg
അതോറിറ്റി നടത്തിയ പരിശോധനകളിൽ മെയ് 29 ന് ഒരു എക്സ്ചേഞ്ച് ഹൗസിന് 100 മില്യൺ ദിർഹം പിഴ ചുമത്തി. രാജ്യത്തിനുള്ളിൽ പ്രവർത്തിക്കുന്ന വിദേശ ബാങ്കുകളുടെ രണ്ട് ശാഖകൾക്കെതിരെ അതോറിറ്റി 18 മില്യൺ ദിർഹത്തിലധികം പിഴ ചുമത്തിയിരുന്നു.