PRAVASIVARTHA

UAE Temperature ദുബായ്: ഈ ആഴ്ചയുടെ തുടക്കത്തിൽ രാജ്യത്ത് താപനില കുതിച്ചുയർന്നതിനാൽ യുഎഇയിലുടനീളമുള്ള ആശുപത്രികളിലും ക്ലിനിക്കുകളിലും റിപ്പോര്‍ട്ട് ചെയ്യപ്പെടുന്ന ചൂടുമായി ബന്ധപ്പെട്ട രോഗാവസ്ഥകൾ വർധിച്ചുവരികയാണ്. മിക്കവരും ഛർദ്ദി, ഓക്കാനം, തലകറക്കം എന്നീ രോഗാവസ്ഥ ഉള്ളവരാണ്. “ചൂടുള്ള അന്തരീക്ഷത്തിൽ ജോലി ചെയ്യുന്നവരാണ് ക്ഷീണം അനുഭവിക്കുന്ന കൂടുതൽ രോഗികളെന്ന്” ലൈഫ് കെയർ ഹോസ്പിറ്റൽ മുസഫയിലെ എമർജൻസി മെഡിസിൻ കൺസൾട്ടന്റ് ഡോ. കാർത്തികേയൻ ചിന്നയ്യ പറഞ്ഞു. “ഈ ചൂടുകാലത്ത് തണലുള്ള സ്ഥലങ്ങളിൽ ജോലി ചെയ്യുന്നത് പോലും ദോഷം വരുത്തും.” മറ്റ് മെഡിക്കൽ പ്രൊഫഷണലുകൾ ഇത് സമ്മതിച്ചെങ്കിലും മിക്ക കേസുകളും തടയാമായിരുന്നെന്ന് പറഞ്ഞു. “താപനില ഉയരുന്നതോടെ, ക്ഷീണം, നിർജ്ജലീകരണം, സൂര്യതാപം, കൂടുതൽ കഠിനമായ കേസുകളിൽ സ്ട്രോക്ക് എന്നിവ അനുഭവിക്കുന്ന രോഗികളിൽ ഗണ്യമായ വർധനവ് ആശുപത്രിയിൽ റിപ്പോര്‍ട്ട് ചെയ്തിട്ടുണ്ട്” ആസ്റ്റർ ഹോസ്പിറ്റൽ മൻഖൂളിലെ സ്പെഷ്യലിസ്റ്റ് ഇന്റേണൽ മെഡിസിൻ ഡോ. ജ്യോതി ഉപാധ്യായ പറഞ്ഞു. “ശരിയായ ജലാംശം, സൂര്യപ്രകാശത്തില്‍ നിന്നുള്ള സംരക്ഷണം, തണുത്ത അന്തരീക്ഷത്തിൽ സമയബന്ധിതമായ വിശ്രമം എന്നിവയിലൂടെ ഇവയിൽ മിക്കതും തടയാൻ കഴിയും”. ശനിയാഴ്ച യുഎഇയിലെ താപനില 51.6°C ആയി ഉയർന്നു. ഈ സീസണിൽ ഇതുവരെ രേഖപ്പെടുത്തിയ ഏറ്റവും ഉയർന്ന താപനിലകളിൽ ഒന്നാണിത്. കടുത്ത വേനൽച്ചൂടിന്‍റെ തുടക്കമായിരുന്നു അത്. ഉയർന്ന ആർദ്രതയും അപകടകരമാണെന്ന് അജ്മാനിലെ മെട്രോ മെഡിക്കൽ സെന്ററിലെ ശിശുരോഗ വിദഗ്ധനായ ഡോ. ജമാലുദ്ദീൻ അബൂബക്കർ പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg “ശരീര താപനില തണുപ്പിക്കുന്നതിനുള്ള ഏറ്റവും പ്രധാനപ്പെട്ട സംവിധാനം ചർമ്മത്തിൽ നിന്നും ശ്വസനനാളിയിൽ നിന്നും വെള്ളം ബാഷ്പീകരിക്കപ്പെടുമ്പോഴാണെന്ന്” അദ്ദേഹം പറഞ്ഞു. “ആപേക്ഷിക ആർദ്രത 75 ശതമാനത്തിൽ കൂടുതലാകുമ്പോൾ, താപം കൈമാറുന്നതിന് ബാഷ്പീകരണം ഫലപ്രദമല്ലാതാകുന്നു. ഇത് ശരീരത്തെ അമിതമായി ചൂടാക്കാനുള്ള സാധ്യത വർധിപ്പിക്കുന്നു.” ഡോ. കാർത്തികേയന്റെ അഭിപ്രായത്തിൽ, ചൂട് കാലത്ത് സുരക്ഷിതരായിരിക്കാൻ ആളുകൾക്ക് സ്വീകരിക്കാവുന്ന നിരവധി മുൻകരുതലുകളുണ്ട്. “ഇളം നിറമുള്ള വസ്ത്രങ്ങൾ ധരിക്കുക, കറുത്ത വസ്ത്രങ്ങൾ ഒഴിവാക്കുക, കാരണം അവ ചൂട് ആഗിരണം ചെയ്യുമെന്ന്” അദ്ദേഹം പറഞ്ഞു. “പരുത്തി വസ്ത്രങ്ങൾ ഉപയോഗിക്കുക, എപ്പോഴും ഒരു വാട്ടർ ബോട്ടിൽ കരുതുക, ജലാംശം നിലനിർത്തുക. ലഘുവായ ഭക്ഷണം കഴിക്കുകയും കൂടുതൽ വെള്ളം കുടിക്കുകയും ചെയ്യേണ്ടത് പ്രധാനമാണ്, ഇലക്ട്രോലൈറ്റ് അടങ്ങിയ ദ്രാവകങ്ങൾ കുടിക്കുന്നതാണ് നല്ലതെന്ന് ഡോക്ടര്‍ പറ‍ഞ്ഞു. തണുത്ത പായ്ക്കുകൾ, നനഞ്ഞ ടവലുകൾ, അല്ലെങ്കിൽ മിസ്റ്റ് സ്പ്രേ എന്നിവ ഉപയോഗിക്കേണ്ടതും വേഗത്തിലുള്ള ആശ്വാസത്തിനായി കാലുകളും കൈകളും തണുത്ത വെള്ളത്തിൽ മുക്കിവയ്ക്കേണ്ടതും പ്രധാനമാണെന്ന് ഡോ. ജ്യോതി പറഞ്ഞു. “രാവിലെ 11 മണിക്കും വൈകുന്നേരം നാല് മണിക്കും ഇടയിലുള്ള കൊടും ചൂടിൽ ആയാസകരമായ പ്രവർത്തനങ്ങൾ ഒഴിവാക്കാൻ ശ്രദ്ധിക്കണമെന്നും” അവർ പറഞ്ഞു.