വീൽചെയറിൽ യാത്ര ചെയത് ഒരു പ്രായമുള്ള യാത്രക്കാരനോട് കരുണയോടെ പെരുമാറിയതിന് ദുബായ് ഭരണാധികാരിയുടെ അഭിനന്ദനം ഏറ്റുവാങ്ങിയ ദുബായ് എയർപോർട്ടിലെ ജീവനക്കാരൻ പറഞ്ഞു: “ഈ യാത്രക്കാരനിൽ, ഞാൻ എന്റെ അമ്മയെ കണ്ടു.” വിമാനത്താവളത്തിലൂടെ കടന്നുപോകുന്ന എല്ലാവരോടും ദയ കാണിക്കുക എന്നതാണ് തന്റെ രീതിയെന്ന് അബ്ദുല്ല അൽ ബലൂഷി പറഞ്ഞു. “യാത്രക്കാരോട് ദയ കാണിക്കുകയും നമ്മുടെ കഴിവിന്റെ പരമാവധി അവരെ സഹായിക്കുകയും ചെയ്യുക എന്നത് ഡിഎക്സ്ബിയുടെ ഡിഎൻഎയിൽ ഉറച്ചുനിൽക്കുന്നു,” അബ്ദുല്ല പറഞ്ഞു. “പ്രത്യേകിച്ച് പ്രായമായ യാത്രക്കാർ, അവർ യാത്രയെക്കുറിച്ച് അൽപ്പം പരിഭ്രാന്തരായിരിക്കും. പലപ്പോഴും അവർ ഒറ്റയ്ക്കാണ്, അവരെ ആശ്വസിപ്പിക്കാൻ അവരുമായി സംസാരിക്കാൻ ഞാൻ ഇഷ്ടപ്പെടുന്നു. ഈ യാത്രക്കാരനിൽ, ഞാൻ എന്റെ അമ്മയെ കണ്ടു. പുറത്തുണ്ടായിരുന്ന മകനെ അവർ കൈവീശുന്നത് ഞാൻ കണ്ടു. പോകുന്നതിനുമുമ്പ് ഒരിക്കൽ കൂടി അമ്മയെ കെട്ടിപ്പിടിക്കാൻ വേണ്ടി ഞാൻ അവരെ അകത്തേക്ക് വിളിച്ചു.” തന്റെ ഈ പ്രവൃത്തികൾ വൈറലായത് വളരെ വൈകിയാണ് അറിഞ്ഞത്. “രാത്രി ഷിഫ്റ്റ് കഴിഞ്ഞ് വീട്ടിൽ എത്തി ഉറങ്ങുകയായിരുന്നു, രാവിലെ ഉറക്കമെണീറ്റപ്പോൾ ഓഫീസിൽ നിന്ന് 10 മിസ്ഡ് കോളുകൾ. ഞാൻ ആശയക്കുഴപ്പത്തിലായി, അവരെ തിരികെ വിളിച്ചു. എന്താണ് സംഭവിച്ചതെന്ന് എനിക്കറിയാമോ എന്ന് ചോദിച്ചു. ഇല്ല എന്ന് മറുപടി നൽകി, അവർ തന്നോട് എക്സ് പരിശോധിക്കാൻ ആവശ്യപ്പെട്ടു, അപ്പോഴാണ് ഷെയ്ഖ് മുഹമ്മദ് ബിൻ റാഷിദ് തന്നെക്കുറിച്ചുള്ള വീഡിയോ പങ്കിട്ടത് ഞാൻ കണ്ടത്. അത് കണ്ടപ്പോൾ, സത്യം പറഞ്ഞാൽ, കരഞ്ഞു. തനിക്ക് വളരെ സന്തോഷവും നന്ദിയും തോന്നി.” 17 വർഷത്തിലേറെയായി ഡിഎക്സ്ബിയിൽ ജോലി ചെയ്യുന്ന അബ്ദുള്ള തന്റെ ജോലിയെ ഒരുുാട് സ്നേഹിക്കുന്നു. എല്ലാ ദിവസവും താൻ മുഖത്ത് പുഞ്ചിരിയോടെയാണ് ജോലിക്ക് പോകുന്നു, നിരവധി ആളുകളുമായി ഇടപഴകാനും അവരുടെ യാത്രയിൽ അവരെ സഹായിക്കാനും കഴിയും. തന്റെ മനോഹരമായ രാജ്യത്തേക്ക് ആളുകളെ സ്വീകരിക്കുന്നതിൽ താൻ മുൻപന്തിയിൽ നിൽക്കുകയും അവർ വീണ്ടും വരുമെന്ന പ്രതീക്ഷയോടെ അവരോട് വിട പറയുകയും ചെയ്യുന്നുവെന്ന് അദ്ദേഹം പറഞ്ഞു.