Ticketless Paid Parking Dubai ദുബായ്: ദുബായിലെ പുതിയ സ്ഥലങ്ങളിൽ ഉടൻ തന്നെ തടസമില്ലാത്തതും ടിക്കറ്റില്ലാത്തതുമായ പണമടച്ചുള്ള പാർക്കിങ് സൗകര്യം ഉണ്ടാകുമെന്ന് എമിറേറ്റിലെ ഒരു പാർക്കിങ് കമ്പനി വെള്ളിയാഴ്ച പ്രഖ്യാപിച്ചു. ദുബായ് ആസ്ഥാനമായുള്ള സ്മാർട്ട് പാർക്കിങ് കമ്പനിയാണ് പാർക്കോണിക്. യുഎഇയിലുടനീളം തടസങ്ങളില്ലാത്ത പാർക്കിങ് പരിഹാരങ്ങൾ കമ്പനി വാഗ്ദാനം ചെയ്യുന്നു. ദുബായ് ഹാർബർ ഓൺ – സ്ട്രീറ്റ് പാർക്കിങ്, മ്യൂസിയം ഓഫ് ദി ഫ്യൂച്ചർ, ഗ്ലോബൽ വില്ലേജ് (പ്രീമിയം), സോഫിടെൽ ഡൗണ്ടൗൺ, ക്രസന്‍റ്, സെൻട്രൽ പാർക്ക് എന്നിവയാണ് ദുബായിൽ കമ്പനി കൈകാര്യം ചെയ്യുന്ന നിലവിലെ സ്ഥലങ്ങൾ. അടുത്ത ആഴ്ച മുതൽ എമിറേറ്റിലെ 18 സ്ഥലങ്ങളിൽ സ്മാർട്ട് പാർക്കിങ് സംവിധാനം അവതരിപ്പിക്കും. സാലിക്കുമായി ഉണ്ടാക്കിയ പങ്കാളിത്തത്തിന്‍റെ ഫലമായാണ് ഈ കൂട്ടിച്ചേർക്കലുകൾ എന്ന് പാർക്കോണിക് പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe ഉൾപ്പെടുന്ന പ്രദേശങ്ങൾ ഇവയാണ്: യൂണിയൻ കോപ്പ് നാദ് അൽ ഹമർ, ഹീര ബീച്ച്, പാർക്ക് ദ്വീപുകൾ, യൂണിയൻ കോപ്പ് അൽ ത്വാര്‍, യൂണിയൻ കോപ്പ് സിലിക്കൺ ഒയാസിസ്, യൂണിയൻ കോപ്പ് അൽ ഖൂസ്, യൂണിയൻ കോപ്പ് അൽ ബർഷ, സെഡ്രെ വില്ലാസ് കമ്മ്യൂണിറ്റി സെന്റർ, ബുർജ് വിസ്റ്റ, അൽ ഖസ്ബ, യൂണിയൻ കോപ്പ് മൻഖൂൾ, ലുലു അൽ ഖുസൈസ്, മറീന വാക്ക്, വെസ്റ്റ് പാം ബീച്ച്, ദി ബീച്ച് ജെബിആർ, ഓപസ് ടവർ, അസുർ റെസിഡൻസ്, യൂണിയൻ കോപ്പ് ഉം സുഖീം എന്നിവയാണ് 18 സ്മാര്‍ട്ട് പാര്‍ക്കിങ് സംവിധാനം അവതരിപ്പിക്കുന്ന സ്ഥലങ്ങള്‍.