Rain in UAE അബുദാബി: യുഎഇയുടെ ചില ഭാഗങ്ങളിൽ നേരിയതോ മിതമായതോ ആയ മഴയ്ക്ക് സാധ്യതയെന്ന് നാഷണൽ സെൻ്റർ ഓഫ് മെറ്റീരിയോളജി (NCM). ഫെബ്രുവരി 16 ഞായറാഴ്ച മുതൽ ഫെബ്രുവരി 18 ചൊവ്വാഴ്ച വരെ മഴയ്ക്ക് സാധ്യതയുണ്ട്. രാജ്യത്ത് തീരപ്രദേശങ്ങളിലും വടക്കൻ, കിഴക്കൻ മേഖലകളിലും മഴ പെയ്യും. കൂടാതെ, കാറ്റ് മിതമായ രീതിയിലായിരിക്കുമെന്നും ഇടയ്ക്കിടെ സജീവമാകുമെന്നും വടക്കുകിഴക്ക് നിന്ന് വടക്ക് പടിഞ്ഞാറ് ദിശയിലേക്ക് വീശുമെന്നും എൻസിഎം അറിയിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv ഈ കാറ്റ് കരയിൽ പൊടിക്കാറ്റിന് കാരണമായേക്കാം. മൊത്തത്തിൽ, ചൊവ്വാഴ്ച വരെ കാലാവസ്ഥ ഭാഗികമായി മേഘാവൃതമായിരിക്കും. യുഎഇയെ ബാധിക്കുന്ന പടിഞ്ഞാറ് നിന്നുള്ള ഉയർന്ന വായു പ്രവാഹമാണ് ഈ മേഘാവൃതവും മഴയുമുള്ള അവസ്ഥയ്ക്ക് കാരണമെന്ന് കാലാവസ്ഥാ വകുപ്പ് അറിയിച്ചു. ഈ വായു പ്രവാഹം തെക്ക് പടിഞ്ഞാറ് നിന്ന് ഉപരിതല ന്യൂനമർദ്ദ സംവിധാനത്തിൻ്റെ വിപുലീകരണത്തോടൊപ്പം വൈവിധ്യമാർന്ന മേഘ രൂപീകരണങ്ങളിലേക്കും നയിക്കും.