PRAVASIVARTHA

അബുദാബി: യുഎഇയില്‍ ലോട്ടറി പ്രവര്‍ത്തനങ്ങള്‍ നടത്താന്‍ അനുമതി നല്‍കിയത് മൂന്ന് ഓപ്പറേറ്റര്‍മാര്‍ക്കെന്ന് ജനറല്‍ കൊമേര്‍സ്യല്‍ ഗെയിമിങ് റെഗുലേറ്ററി അതോറിറ്റി (ജിസിജിആര്‍എ). യുഎഇ ലോട്ടറിയായി പ്രവർത്തിക്കുന്ന ദി ഗെയിം, എൽഎൽസിക്ക് രാജ്യത്തിൻ്റെ ഏക ലോട്ടറി ലൈസൻസ് അനുവദിച്ചു. ജിസിജിആര്‍എ റെഗുലേറ്ററിക്ക് കീഴിൽ അനുവദനീയമായ ഒരേയൊരു ലോട്ടറി ലൈസൻസ് ഇതാണെന്ന് അതോറിറ്റി പറഞ്ഞു. കൂടാതെ, മുൻപേയുള്ള ചില ലോട്ടറി പ്രവർത്തനങ്ങൾ തുടരാൻ നിയമം അനുവദിക്കുന്നു. ബിഗ് ടിക്കറ്റ്, ദുബായ് ഡ്യൂട്ടി ഫ്രീ, ഏകദേശം 30 വർഷമായി പ്രവർത്തിക്കുന്ന എയർപോർട്ട് ലോട്ടറികൾ എന്നിവയ്ക്ക് മാത്രമേ ജിസിജിആര്‍എയുടെ മേൽനോട്ടത്തിൽ പ്രവർത്തനം തുടരാൻ അധികാരമുള്ളൂ. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A ലൈസൻസില്ലാത്ത ലോട്ടറി, വാണിജ്യ ഗെയിമിങ് ഓപ്പറേറ്റർമാരുമായി ബിസിനസ് ചെയ്യുന്നതോ കളിക്കുന്നതോ ആയ അപകടങ്ങളെക്കുറിച്ച് ജിസിജിആർഎ ഉപഭോക്തൃ ഉപദേശക അറിയിപ്പ് നൽകിയതിനെ തുടർന്നാണിത്. 100 മില്യൺ ദിർഹത്തിൻ്റെ ജാക്ക്പോട്ട് ഫീച്ചർ ചെയ്യുന്ന യുഎഇയുടെ ആദ്യ ലോട്ടറി ഓപ്പറേഷൻ നവംബറിൽ ഔദ്യോഗികമായി ആരംഭിച്ചു. ആദ്യ ലൈവ് നറുക്കെടുപ്പ് ഡിസംബർ 14ന് നടക്കും. യുഎഇ ലോട്ടറിയുടെ വെബ്‌സൈറ്റായ theuaelottery.ae-ൽ ഇപ്പോൾ ടിക്കറ്റുകൾ ലഭ്യമാണ്. പങ്കെടുക്കുന്നവർക്ക് 100 ദശലക്ഷം ദിർഹം, 1 ദശലക്ഷം ദിർഹം, 100,000 ദിർഹം, 1000 ദിർഹം അല്ലെങ്കിൽ 100 ​​ദിർഹം എന്നിവ നേടാം. പങ്കെടുക്കുന്നവർക്ക് ഒന്നുകിൽ സ്വന്തമായി ലോട്ടറി നമ്പറുകൾ തെരഞ്ഞെടുക്കാം അല്ലെങ്കിൽ റാൻഡമായി നമ്പർ ‘ഈസി പിക്ക്’ ഫീച്ചർ ഉപയോഗിച്ച് തെരഞ്ഞെടുക്കാം. 1 ദശലക്ഷം ദിർഹം വരെ നേടാനുള്ള അവസരത്തിനായി സ്‌ക്രാച്ച് കാർഡുകൾ വാങ്ങാനുള്ള ഓപ്ഷനുമുണ്ട്. ഈ കാർഡുകളുടെ നിരക്കുകൾ 5 ദിർഹം മുതൽ ആരംഭിക്കുന്നു. ഇത് 50,000 ദിർഹം വരെ നേടാനുള്ള അവസരം നൽകുന്നു. നറുക്കെടുപ്പിൻ്റെ 10 ദിർഹം കാർഡുകൾക്ക് 100,000 ദിർഹമാണ് ഉയർന്ന സമ്മാനം, 20 ദിർഹം കാര്‍ഡുകള്‍ക്ക് 300,000 ദിർഹമാണ് സമ്മാനം. 50 ദിർഹം വിലയുള്ള കാർഡുകൾ ഉപയോഗിച്ച് കളിക്കാർക്ക് 1 മില്യൺ ദിർഹം നേടാം. സമ്മാനങ്ങൾക്ക് നിലവിൽ ഒരു നികുതിയും ബാധകമല്ല.