യുഎഇ നിവാസികളിൽ പലരും മാതൃരാജ്യങ്ങളിലേക്കുള്ള സന്ദർശനങ്ങൾ ഒഴിവാക്കുകയോ ചുരുക്കുകയോ ചെയ്ത് ദീർഘദൂര വിനോദസഞ്ചാര കേന്ദ്രങ്ങളിലേക്ക് പറക്കുന്നത് സാധാരണമായിരിക്കുകയാണ്. യുഎഇ ബജറ്റ് കാരിയറുകൾ അടുത്തിടെ തെക്കുകിഴക്കൻ ഏഷ്യയിലും പടിഞ്ഞാറൻ യൂറോപ്പിലുടനീളമുള്ള നിരവധി ജനപ്രിയ ടൂറിസ്റ്റ് റൂട്ടുകളിലേക്ക് നെറ്റ് വർക്ക് വിപുലീകരിച്ചതോടെ യാത്രക്കാരുടെ എണ്ണവും കൂടിയിട്ടുണ്ട്. ഷാർജ ആസ്ഥാനമായുള്ള എയർ അറേബ്യ ഈ വർഷം അവസാനം ഓസ്ട്രിയയിലെ വിയന്നയിലേക്ക് ഒരു സർവീസ് ആരംഭിക്കുമെന്ന് പ്രഖ്യാപിച്ചിട്ടുണ്ട്. വിയന്നയിലേക്കുള്ള വൺവേ ടിക്കറ്റുകൾ 399 ദിർഹത്തിന് ബുക്ക് ചെയ്യാം. പ്രാദേശിക കാരിയർ ഏഥൻസ് (ഗ്രീസ്), ക്രാക്കോവ് (പോളണ്ട്), (ഫൂക്കറ്റ്) എന്നിവിടങ്ങളിലേക്കും സർവീസ് ആരംഭിച്ചിട്ടുണ്ട്. കൂടാതെ വിസ് എയർ, എയർ അറേബ്യ അബുദാബി എന്നിവയും തങ്ങളുടെ ശൃംഖല വിപുലീകരിക്കുന്നുണ്ട്. ഇത്തവണ അവധിക്കാലത്ത് ആളുകൾ സ്വന്തം രാജ്യങ്ങളിലേക്ക് അധികം യാത്ര ചെയ്യുന്നില്ലെന്ന് വൈസ്ഫോക്സ് ടൂറിസത്തിൻ്റെ സീനിയർ കൺസൾട്ടൻ്റ് ഷംഷീദ് സിവി പറഞ്ഞു. നേരത്തെ, ആളുകൾ ജൂൺ അവസാനത്തോടെ സ്വന്തം രാജ്യത്തേക്ക് യാത്ര ചെയ്യുകയും ഓഗസ്റ്റിൽ (2 മാസത്തെ വേനൽ അവധി) മടങ്ങുകയും ചെയ്തിരുന്നു. എന്നാലിന്ന് താമസക്കാർ സ്വന്തം രാജ്യങ്ങളിലേക്ക് പറക്കുന്നതിന് പകരം പുതിയ ലക്ഷ്യസ്ഥാനങ്ങൾ യാത്ര ചെയ്യുന്നെന്ന് അദ്ദേഹം കൂട്ടിച്ചേർത്തു. “കൂടാതെ, ആളുകൾ വർഷത്തിലൊരിക്കൽ യാത്ര ചെയ്യാറുണ്ടായിരുന്നു; ബജറ്റ് കാരിയറുകൾ വഴി പുതിയ ലക്ഷ്യസ്ഥാനങ്ങൾ ആരംഭിക്കുന്നതോടെ അവർക്ക് രണ്ട് തവണ യാത്ര ചെയ്യാം. കൂടുതൽ ആളുകൾ യാത്ര ചെയ്യുന്നതനുസരിച്ച് ആളുകളുടെ സമീപനം മാറുകയാണ്,” മുസാഫിർ.കോമി​ന്റെ സിഒഒ രഹീഷ് ബാബു പറഞ്ഞു. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9