വടക്കൻ ഇസ്രയേലിൽ ലെബനീസ് തീവ്രവാദ ​ഗ്രൂപ്പായ ഹിസ്ബുള്ള ഡ്രോൺ ആക്രമണം നടത്തിയെന്ന് റിപ്പോർട്ട്. ആക്രമണത്തിൽ രണ്ട് സൈനികർക്ക് പരുക്കേറ്റെന്നും പ്രദേശത്ത് തീപിടുത്തമുണ്ടായെന്നും ഇസ്രയേൽ സൈന്യം സ്ഥിരീകരിച്ചതായി ഇം​ഗ്ലീഷ് മാധ്യമം റിപ്പോർട്ട് ചെയ്തു. ഹിസ്ബുള്ള സീനിയർ കമാൻഡറുടെയും ഹമാസ് നേതാവി​ന്റെയും മരണത്തെ തുടർന്ന് ഇറാനും സഖ്യകക്ഷികളും ഇസ്രയേലിനെതിരെ കർശന നീക്കമുണ്ടാകുമെന്ന് പ്രഖ്യാപിച്ചിരുന്നു. അപ്പർ ​ഗലീലിയിലാണ് ഡ്രോൺ ആക്രമണമുണ്ടായത്. ആളിക്കത്തിയ തീ അണയ്ക്കാൻ ശ്രമം തുടരുന്നെന്ന് ഇസ്രയേൽ സൈന്യം അറിയിച്ചു. യുദ്ധഭീതിയിൽ അമേരിക്ക ഉൾപ്പെടെയുള്ള രാജ്യങ്ങൾ തങ്ങളുടെ പൗരന്മാരോട് ലഭ്യമായ യാത്രസൗകര്യങ്ങൾ ഉപയോ​ഗിച്ച് ലെബനൻ വിടണമെന്ന് മുന്നറിയിപ്പ് നൽകിയിരുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9