UAE Jobs അബുദാബി: അധ്യാപകര്‍ക്ക് അവസരവുമായി അബുദാബി. നിങ്ങൾക്ക് നന്നായി സംസാരിക്കാന്‍ അറിയാമോ? അറിവ് പങ്കുവയ്ക്കാൻ താത്പര്യമുണ്ടോ? ക്ഷമയും പൊരുത്തപ്പെടാനവും പുതിയ വെല്ലുവിളിക്ക് നേരിടാന്‍ തയ്യാറാണോ? നിങ്ങൾ യോഗ്യതകൾ നിറവേറ്റുകയും സൂചിപ്പിച്ച ഗുണങ്ങൾ കൈവശം വയ്ക്കുകയും ചെയ്യുന്നെങ്കിൽ, ഇത് തീര്‍ച്ചയായും നിങ്ങളുടെ ജീവിതത്തില്‍ മാറ്റമുണ്ടാക്കും. അബുദാബി ഡിപ്പാർട്ട്‌മെൻ്റ് ഓഫ് എഡ്യൂക്കേഷൻ ആൻഡ് നോളജ് (അഡെക്) കോൺ മൊഅല്ലിം (അധ്യാപകനാകുക) എന്ന സംരംഭം ആരംഭിച്ചു. എമിറാത്തികൾക്കും വിവിധ മേഖലകളിൽനിന്നുള്ള പ്രവാസികൾക്കുമായി തുറന്നിരിക്കുന്ന ഈ സംരംഭം, ഒരു വർഷത്തെ അംഗീകൃത ബിരുദാനന്തര ബിരുദ ഡിപ്ലോമ വിദ്യാഭ്യാസം പൂർത്തിയാക്കിയശേഷം വിദ്യാഭ്യാസ മേഖലയിലേക്ക് പ്രവേശിക്കാനുള്ള അവസരമാണ് ഈ സംരംഭത്തിലൂടെ നൽകുന്നത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvz താത്പര്യമുള്ള അപേക്ഷകർക്ക് മികച്ച ആശയവിനിമയ കഴിവുകളും അറിവ് പങ്കിടാനുള്ള അഭിനിവേശവും ഉണ്ടായിരിക്കണം. യോഗ്യതയ്ക്ക് അപേക്ഷകർ 25 വയസോ അതിൽ കൂടുതലോ പ്രായമുള്ളവരും അംഗീകൃത സർവകലാശാലയിൽനിന്ന് ഏതെങ്കിലും മേഖലയിൽ ബിരുദം നേടിയവരുമായിരിക്കണം. കർശനമായ തെരഞ്ഞെടുപ്പ് പ്രക്രിയയ്ക്ക് ശേഷം 125 ഉദ്യോഗാര്‍ഥികളുടെ ആദ്യ ഗ്രൂപ്പിനെ ADEK സ്പോൺസർ ചെയ്യും. അബുദാബിയിലും അൽഐനിലും കാമ്പസുകളുള്ള അബുദാബി യൂണിവേഴ്സിറ്റി, അൽ ഐൻ യൂണിവേഴ്സിറ്റി, എമിറേറ്റ്സ് കോളേജ് ഫോർ അഡ്വാൻസ്ഡ് എഡ്യൂക്കേഷൻ എന്നിവയുൾപ്പെടെയുള്ള മുൻനിര ഉന്നത വിദ്യാഭ്യാസ സ്ഥാപനങ്ങളുമായി സഹകരിച്ച് ത്വരിതപ്പെടുത്തിയ ഒരു വർഷത്തെ പരിശീലന പരിപാടിക്ക് വിധേയമാക്കും. വിജയികളായ ബിരുദധാരികളെ അബുദാബിയിലുടനീളമുള്ള ചാർട്ടർ സ്കൂളുകളിൽ നിയമിക്കും. താത്പര്യമുള്ളവര്‍ അപേക്ഷിക്കാനും കൂടുതൽ വിശദാംശങ്ങൾ നേടാനും apply.adek.ae സന്ദർശിക്കുക.