PRAVASIVARTHA

UAE central bank ; യുഎഇ സെൻട്രൽ ബാങ്ക് രണ്ട് വിദേശ ബാങ്ക് ശാഖകൾക്ക് വൻ തുക പിഴ ചുമത്തി. എമിറേറ്റ്‌സിലെ കള്ളപ്പണം വെളുപ്പിക്കൽ വിരുദ്ധ നിയമങ്ങൾ പ്രകാരമാണ് ഈ ബാങ്കുകൾക്ക് പിഴ ചുമത്തിയത്. രണ്ട് ബാങ്കുകൾക്കും കൂടി 18,100,000 ദിർഹമാണ് പിഴയായി ചുമത്തിയത്. ആദ്യ ബാങ്കിന് 10,600,000 ദിർഹവും രണ്ടാമത്തെ ബാങ്കിന് 7,500,000 ദിർഹവും പിഴയായി ലഭിച്ചിട്ടുള്ളത്. യുഎഇ സെൻട്രൽ ബാങ്ക് (സിബിയുഎഇ) നടത്തിയ പരിശോധനകളിൽ കള്ളപ്പണം വെളുപ്പിക്കലും തീവ്രവാദത്തിനും നിയമവിരുദ്ധ സംഘടനകൾക്കും ധനസഹായം നൽകുന്നത് പോലുള്ള പ്രവർത്തനങ്ങളിൽ ഏർപ്പെടുന്നതായി കണ്ടെത്തിയതിനെ തുടർന്നാണ് ബാങ്കുകൾക്ക് ഈ പിഴകൾ ചുമത്തിയത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg സാമ്പത്തിക ഇടപാടുകളുടെ സുതാര്യത നിലനിർത്തുന്നതിനും രാജ്യത്തിന്റെ സാമ്പത്തിക വ്യവസ്ഥയെ സംരക്ഷിക്കുന്നതിനുമായി സിബിയുഎഇ സ്ഥാപിച്ച യുഎഇയുടെ നിയമം, ചട്ടങ്ങൾ, മാനദണ്ഡങ്ങൾ എന്നിവ രാജ്യത്തെ എല്ലാ ബാങ്കുകളും അവരുടെ ജീവനക്കാരും പാലിക്കുന്നുണ്ടെന്ന് ഉറപ്പാക്കാൻ അതോറിറ്റി പ്രവർത്തിക്കുന്നു. അതേസമയം, നികുതി നിയമങ്ങൾ പാലിക്കാത്തതിന് മാർച്ച് 25 ന് യുഎഇയിൽ പ്രവർത്തിക്കുന്ന അഞ്ച് ബാങ്കുകളെയും രണ്ട് ഇൻഷുറൻസ് കമ്പനികളെയും പിഴ ചുമത്തിയിരുന്നു.