യുഎഇയിലെ സ്വദേശിവത്കരണ മന്ത്രാലയത്തിലെ സേവനങ്ങൾ ഇനി വീഡിയോ കോളിലൂടെയും നടപ്പാക്കാം. തിങ്കൾ മുതൽ വെള്ളി വരെയുള്ള ദിവസങ്ങളിൽ കസ്റ്റമർ ഹാപ്പിനസ് പ്രതിനിധിയുമായി നേരിട്ട് വീഡിയോ കോളിലൂടെ സംസാരിക്കാൻ സാധിക്കും. തിങ്കളാഴ്ചകളിൽ കാലത്ത് 7.30 മുതലും ചൊവ്വാഴ്ച മുതൽ വെള്ളിയാഴ്ച വരെ രാവിലെ 7 മുതലുമാണ് സേവനം ആരംഭിക്കുക. വെള്ളിയാഴ്ച ഉച്ചയ്ക്ക് 12 വരെയും മറ്റു ദിവസങ്ങളിൽ വൈകിട്ട് 3 വരെയുമാണ് സേവനമുണ്ടാകുക. സ്വകാര്യ മേഖലയിലെ തൊഴിലാളികൾക്കും വീട്ടുജോലിക്കാർക്കും തൊഴിലുടമകൾക്കും സേവനം ലഭ്യമാകും. മന്ത്രാലയവുമായി ബന്ധപ്പെട്ട എല്ലാ സേവനങ്ങളുടെയും വിവരം ബഹുഭാഷയിൽ ലഭ്യമാകുന്നതാണ്. കഴിഞ്ഞ വർഷത്തെ അപേക്ഷിച്ച് മന്ത്രാലയത്തിലേക്ക് വിവരാന്വേഷണം നടത്തിയവരുടെ എണ്ണത്തിൽ 61% വർധനവാണ് രേഖപ്പെടുത്തിയിരിക്കുന്നത്. ഈ വർഷത്തെ ആ​ദ്യ ആറ് മാസങ്ങളിൽ 3 കോടിയിലധികം വിവരാന്വേഷണമാണ് നടന്നത്. തവാസുൽ’ സംവിധാനത്തിലൂടെയാണ് ജനങ്ങൾ ആശയ വിനിമയം നടത്തുന്നത്. വാട്സാപ് നമ്പർ, വെബ്‌സൈറ്റ്, സ്മാർട് ആപ്ലിക്കേഷൻ, നേരിട്ടുള്ള ആശയ വിനിമയം, സമൂഹമാധ്യമങ്ങളിലൂടെയുള്ളത്, ask@mohre.gov.ae എന്നിവ ഉൾപ്പെടെയുള്ള വിവിധ മാർ​ഗങ്ങളിലൂടെയാണ് ആശയവിനിമയം നടക്കുന്നത്. മന്ത്രാലയത്തിന്റെ സ്മാർട് ആപ്ലിക്കേഷൻ വഴി വിവരാന്വേഷകർക്ക് വീഡിയോ കോൾ ചെയ്യാം. മന്ത്രാലയത്തിന്റെ 600590000 വാട്സാപ് നമ്പർ വഴിയുള്ള ആശയവിനിമയം തുടർന്നു ലഭിക്കും. പ്രധാനമായും വിവരാന്വേഷകർ വ്യാജ സ്രോതസുകളെ ആശ്രയിക്കരുതെന്നും ഔദ്യോ​ഗിക ചാനലുകൾ മാത്രം ഉപയോ​ഗപ്പെടുത്തണമെന്നും അധികൃതർ അറിയിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/Lcg8GbX4UOK66lKqe8tbVF