UAE New Bus Route: ദുബായ്: പുതിയ സിറ്റി ബസ് റൂട്ട് ആരംഭിച്ച് റാസ് അൽ ഖൈമ. ഓറഞ്ച് റൂട്ട് എന്ന് പുതിയ ബസ് റൂട്ട് എല്ലാ നഗരപ്രദേശങ്ങളെയും നഗരമധ്യവുമായി ബന്ധിപ്പിക്കുക എന്നതാണ് ലക്ഷ്യം. ഈ പുതിയ റൂട്ട് ബസ് യാത്രാ സമയം കുറയ്ക്കുകയും ഉപയോക്താക്കളുടെ മൊത്തത്തിലുള്ള യാത്രാ ദൈർഘ്യം കുറയ്ക്കുകയും ചെയ്യും. അൽ നഖീൽ പ്രദേശത്തുനിന്ന് സൗത്ത് അൽ ദൈത്തിലെ മെയിൻ ബസ് സ്റ്റേഷൻ വരെ നീളുന്ന ഈ റൂട്ട് നഗരമധ്യത്തിലെ നിരവധി പ്രധാന സ്ഥലങ്ങളിലൂടെ കടന്നുപോകും. ഓറഞ്ച് റൂട്ട് യാത്രയ്ക്ക് ഒരു വശത്തേക്ക് 25 മുതൽ 30 മിനിറ്റ് വരെ സമയമെടുക്കും. ഇതിൽ എട്ട് പ്രധാന സ്റ്റോപ്പുകൾ ഉൾപ്പെടുന്നു: അൽ നഖീൽ, ജുൽഫാർ ടവേഴ്സ്, അൽ സദഫ് റൗണ്ട്എബൗട്ട്, ഡ്രൈവിംഗ് സ്കൂൾ, പോസ്റ്റ് ഓഫീസ്, ക്ലോക്ക് റൗണ്ട്എബൗട്ട്, ഫ്ലമിംഗോ ബീച്ച്, അൽ ദൈത്ത് സൗത്തിലെ മെയിൻ ബസ് സ്റ്റേഷൻ എന്നിവയാണവ. ഈ റൂട്ടിൽ പ്രതിദിനം 20 ട്രിപ്പുകൾ ഉണ്ടാകും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe ആദ്യ ട്രിപ്പ് രാവിലെ 6.30 നും അവസാന ട്രിപ്പ് രാത്രി 8.30 നും ആയിരിക്കും. ഒരു യാത്രയ്ക്ക് ടിക്കറ്റ് നിരക്ക് എട്ട് ദിർഹമാണ്. 13 കിലോമീറ്റർ ദൈർഘ്യമുള്ള പുതിയ റൂട്ട്, എമിറേറ്റിലെ ആഭ്യന്തര പൊതുഗതാഗത ശൃംഖലയുടെ ആകെ ദൈർഘ്യം 99 കിലോമീറ്ററായി ഉയർത്തുന്നു. ഓറഞ്ച് റൂട്ടിന്‍റെ വരവോടെ എമിറേറ്റിലെ ഗതാഗത സംവിധാനം ശക്തിപ്പെടുത്തുക, പൊതുഗതാഗത ഉപയോഗം പ്രോത്സാഹിപ്പിക്കുക, എല്ലാവർക്കും പ്രാപ്യമായ താങ്ങാനാവുന്ന സേവനത്തിലൂടെ യാത്രക്കാരുടെ ചലനം സുഗമമാക്കുക എന്നിവയാണ് ലക്ഷ്യമിടുന്നത്. റാസ് അൽ ഖൈമയിലെ നാല് പ്രധാന റൂട്ടുകളെയും ബന്ധിപ്പിച്ച് എമിറേറ്റിലുടനീളം സുഗമവും തടസമില്ലാത്തതുമായ യാത്ര ഉറപ്പാക്കുകയും പൊതുഗതാഗത സംവിധാനങ്ങളുടെ സംയോജനത്തെ പിന്തുണയ്ക്കുകയും ചെയ്യുന്നതാണ് ഈ പുതിയ ബസ് റൂട്ട്. റാസ് അൽ ഖൈമ ട്രാൻസ്‌പോർട്ട് അതോറിറ്റി (RAKTA) മുന്‍പ് ആരംഭിച്ച ആഭ്യന്തര ഗതാഗത ശൃംഖലയുടെ ഒരു വിപുലീകരണമാണ് ഓറഞ്ച് റൂട്ട്.