Extreme Heat UAE ദുബായ്: കൊടുംചൂടില്‍ വലഞ്ഞ് യുഎഇ നിവാസികള്‍. ഇന്നലെ (മെയ് 30) റെക്കോര്‍ഡ് ചൂട് രേഖപ്പെടുത്തിയതിന് പിന്നാലെ ഇന്ന് താപനിലയില്‍ നേരിയ കുറവ് രേഖപ്പെടുത്തിയതിയതായി ദേശീയ കാലാവസ്ഥാ നിരീക്ഷണകേന്ദ്രം. രാജ്യത്ത് ഇന്നലെ 50 ഡി​ഗ്രി ചൂടാണ് അടുഭവപ്പെട്ടത്. അൽഐനിലെ സ്വയ്ഹാനിലാണ് കനത്ത ചൂട് രേഖപ്പെടുത്തിയത്. കഴിഞ്ഞ ശനിയാഴ്ചയും റെക്കോര്‍ഡ് ചൂടാണ് യുഎഇയിൽ രേഖപ്പെടുത്തിയത്, 51.6 ഡി​ഗ്രി മേയിൽ രേഖപ്പെടുത്തിയ ഏറ്റവും ഉയർന്ന താപനിലയാണിത്. അൽഐനിലെ സ്വയ്ഹാനിൽ തന്നെയാണ് ഇതും രേഖപ്പെടുത്തിയത്. ഇന്ന് അന്തരീക്ഷം ഭാ​ഗികമായി മേഘാവൃതവും പൊടിപടലങ്ങൾ നിറഞ്ഞതുമായിരിക്കും. ഇടത്തരം വടക്കുപടിഞ്ഞാറൻ കാറ്റിനും സാധ്യതയുണ്ട്. ഇത് മണിക്കൂറിൽ 10 മുതൽ 25 കിലോമീറ്റർ വേ​ഗത്തിൽ വീശാനാണ് സാധ്യത. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg ചിലപ്പോൾ 40 കിലോമീറ്റർ വരെ വേ​ഗത്തിലും വീശിയേക്കാം. ഈ കാറ്റ് മൂലം തിരശ്ചീന ദൃശ്യപരത കുറയുമെന്നും മുന്നറിയിപ്പിൽ നൽകിയിട്ടുണ്ട്. രാജ്യത്തിന്‍റെ ഉൾപ്രദേശങ്ങളിൽ 42 മുതൽ 46 ഡി​ഗ്രി സെൽഷ്യസ് വരെയും തീരമേഖലകളിൽ 40 മുതൽ 45 ഡി​ഗ്രി സെൽഷ്യസ് വരെയും താപനില ഉണ്ടാകാം. അതേസമയം, അറേബ്യൻ ​ഗൾഫ് കടൽ, ഒമാൻ സമുദ്രം എന്നിവ പ്രക്ഷുബ്ദമായിരിക്കുമെന്നും മുന്നറിയിപ്പുണ്ട്. രാജ്യത്ത് പൊടിക്കാറ്റ് വീശുമെന്നതിനാൽ പൗരന്മാരോടും താമസക്കാരോടും മുൻകരുതലുകൾ സ്വീകരിക്കണമെന്ന് അധികൃതർ ആവശ്യപ്പെട്ടു.