Eid Al Adha 2025; യുഎഇയിലെ സ്വകാര്യ മേഖലക്ക് വലിയ പെരുന്നാൾ അനുബന്ധിച്ച് ശമ്പളത്തോട് കൂടിയ അവധി ദിനങ്ങൾ പ്രഖ്യാപിച്ചു. നാല് ദിവസത്തെ അവധി ലഭിക്കുമെന്ന് മാനവ വിഭവശേഷി, സ്വദേശിവൽക്കരണ മന്ത്രാലയം (MoHRE) വ്യാഴാഴ്ച പ്രഖ്യാപിച്ചു. ജൂൺ 8 ഞായറാഴ്ച അവധി അവസാനിക്കും. തത്ഫലമായി, വാരാന്ത്യം ഉൾപ്പെടുന്ന അറഫ ദിനവും ഈദ് അൽ അദ്ഹയും ആഘോഷിക്കാൻ സ്വകാര്യ മേഖലയിലെ ജീവനക്കാർക്ക് നാല് ദിവസത്തെ അവധി ലഭിക്കും. 2025 ജൂൺ 9 തിങ്കളാഴ്ച ഔദ്യോഗിക പ്രവർത്തനങ്ങൾ പുനരാരംഭിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg ചൊവ്വാഴ്ച വൈകുന്നേരം ദുൽ ഹജ്ജ് ചന്ദ്രക്കല കണ്ടതിനെ തുടർന്നാണ് പ്രഖ്യാപനം. പൊതുമേഖലാ ജീവനക്കാർക്കും സമാനമായ അവധി ദിവസങ്ങൾ ലഭിക്കും. പൊതു, സ്വകാര്യ മേഖലയിലെ തൊഴിലാളികൾക്കായി യുഎഇയിൽ നടപ്പിലാക്കിയ ഏകീകൃത അവധിക്കാല നയം എല്ലാ ജീവനക്കാർക്കും വർഷം മുഴുവനും തുല്യ ഇടവേളകൾ ഉറപ്പാക്കുന്നു.
