Dubai Businessman Vasu Shroff ജയ്പൂര്‍ വിമാനത്താവളത്തില്‍ വെച്ച് ദുരനുഭവം നേരിട്ടതിന് പിന്നാലെ പിഴ അടയ്ക്കാന്‍ സന്നദ്ധത പ്രകടിപ്പിച്ച് ദുബായ് വ്യവസായി. ജയ്പൂർ വിമാനത്താവളത്തിൽ വെച്ച് വസ്തുക്കള്‍ കണ്ടുകെട്ടിയാല്‍ ഇന്ത്യക്കാർക്ക് വേണ്ടി പിഴ അടയ്ക്കാൻ ദുബായ് വ്യവസായി സന്നദ്ധത അറിയിച്ചു. പത്ത് വര്‍ഷം പഴക്കമുള്ള റോളക്സ് വാച്ച് ധരിച്ചതിന്റെ പേരിൽ രാജസ്ഥാനിലെ ജയ്പൂർ വിമാനത്താവളത്തിൽ വെച്ച് അടുത്തിടെ ദുരനുഭവം നേരിട്ട വാസു ഷ്രോഫ് എന്ന വ്യവസായി, സംഭവത്തിൽ നിന്ന് ഇപ്പോഴും മുക്തനല്ലെന്നും തന്റെ സഹ ഇന്ത്യക്കാരെ സഹായിക്കാന്‍ ആഗ്രഹിക്കുന്നെന്നും പറഞ്ഞു. “ആ വിമാനത്താവളത്തിലെത്തുന്ന നിരവധി താഴ്ന്ന വരുമാനക്കാരുണ്ട്, അവരെ ഉദ്യോഗസ്ഥർ ബുദ്ധിമുട്ടിക്കുന്നു,” അദ്ദേഹം ഖലീജ് ടൈംസിനോട് പറഞ്ഞു. “ചില സ്ത്രീകളെ അവരുടെ മംഗല്യസൂത്രം (വിവാഹത്തെ സൂചിപ്പിക്കുന്നതിനായി ഹിന്ദു സ്ത്രീകൾ ധരിക്കുന്ന ഒരു പവിത്രമായ മാല) അഴിച്ചുമാറ്റാൻ നിർബന്ധിക്കുന്നത് പോലും കണ്ടു. അത്തരം യാത്രക്കാരിൽ നിന്ന് കണ്ടുകെട്ടിയതും അവരെ യുഎഇയിലേക്ക് തിരികെ കൊണ്ടുവരാൻ ആഗ്രഹിക്കുന്നതുമായ എല്ലാ വസ്തുക്കൾക്കും പിഴ അടയ്ക്കാൻ തയ്യാറാണെന്ന്” അദ്ദേഹം പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe കഴിഞ്ഞ ഏപ്രിൽ 12 നാണ് വീൽചെയറിൽ സഞ്ചരിക്കുന്ന 83 കാരനായ സംരംഭകൻ രണ്ട് ദിവസത്തെ യാത്രയ്ക്കായി ഇന്ത്യ സന്ദർശിച്ചത്. കസ്റ്റംസ് ഉദ്യോഗസ്ഥർ അദ്ദേഹത്തെ തടഞ്ഞുനിർത്തി 150,000 ദിർഹത്തിലധികം വിലമതിക്കുന്ന സ്വർണവാച്ചിന്‍റെ കസ്റ്റംസ് തീരുവ അടയ്ക്കണമെന്ന് ആവശ്യപ്പെട്ടു. മണിക്കൂറുകളോളം കാത്തിരിക്കേണ്ടി വന്നതായും തന്നെ ഒരു കുറ്റവാളിയെ പോലെ പെരുമാറിയതായും അദ്ദേഹം പറഞ്ഞു. ഞായറാഴ്ച സംഭവത്തിൽ ഉൾപ്പെട്ട നാല് കസ്റ്റംസ് ഉദ്യോഗസ്ഥരെ രാജസ്ഥാനിലെ വിവിധ ഭാഗങ്ങളിലേക്ക് സ്ഥലം മാറ്റിയിരുന്നു. അദ്ദേഹം കെട്ടിപ്പടുത്ത വസ്ത്ര സാമ്രാജ്യത്തിന്‍റെ പേരില്‍ 73 വർഷത്തിലേറെയായി യുഎഇയിൽ താമസിക്കുന്ന ഷ്രോഫിനെ ദുബായിലെ വസ്ത്രരാജാവ് എന്നാണ് വിശേഷിപ്പിക്കുന്നത്. ഞായറാഴ്ച, രാജസ്ഥാനിലെ ഒരു മന്ത്രിയെ കാണാൻ സബീൽ ലേഡീസ് ക്ലബ്ബിൽ നടന്ന കാർണിവലിൽ പങ്കെടുക്കാൻ അദ്ദേഹം എത്തിയത് വിമാനത്താവള ഉദ്യോഗസ്ഥര്‍ കണ്ടുകെട്ടിയ വാച്ച് ധരിച്ചാണ്. ഉദ്യോഗസ്ഥർക്ക് അവരുടെ നടപടിയുടെ അനന്തരഫലങ്ങൾ നേരിടേണ്ടി വന്നതിൽ സന്തോഷമുണ്ടെങ്കിലും ഡൽഹി സുപ്രീം കോടതിയിലെയും ജയ്പൂർ ഹൈക്കോടതിയിലെയും അഭിഭാഷകനായ ഷ്രോഫിന്റെ അഭിഭാഷകൻ ധർമേന്ദ്ര സിങ്, സംഭവത്തെക്കുറിച്ച് പൊതുതാത്പര്യ ഹർജി (പിഐഎൽ) ഫയൽ ചെയ്യാൻ തയ്യാറെടുക്കുകയാണ്. “ഈ സംവിധാനത്തിൽ മാറ്റം വരുത്തേണ്ടതുണ്ടെന്ന്” അദ്ദേഹം പറഞ്ഞു.