Lulu Group Gulffood: ദുബായ്: ഗള്‍ഫുഡ് വേദിയില്‍ ഒന്‍പത് കരാറുകളില്‍ ഒപ്പുവെച്ച് ലുലു ഗ്രൂപ്പ്. ഈത്തപ്പഴത്തിൽ നിന്നുണ്ടാക്കുന്ന സൗദി അറേബ്യയിലെ ‘മിലാഫ് കോള’ ജിസിസിയിലെയും ഇന്ത്യയിലെയും ലുലു സ്റ്റോറുകളിലും ലഭ്യമാകും. ലുലു ഗ്രൂപ്പ് ചെയർമാൻ എം.എ യൂസഫലിയും അൽ മദീന ഹെറിറ്റേജ്​ സി.ഇ.ഒ ബാന്ദർ അൽ ഖഹ്താനിയും ഇത് സംബന്ധിച്ച ധാരണാപത്രത്തിൽ ഒപ്പുവച്ചു. ദുബായിൽ നടക്കുന്ന മേഖലയിലെ ഏറ്റവും വലിയ ഭക്ഷ്യമേളയായ ‘ഗൾഫുഡ്​’ വേദിയിൽ വെച്ചാണ് കരാറുകളില്‍ ഒപ്പുവെച്ചത്. ലോകത്തെ വിവിധിയിടങ്ങളിലുള്ള ലുലു സ്റ്റോറുകളിൽ കൂടുതൽ ഇന്ത്യൻ ഉത്പന്നങ്ങൾ എത്തിക്കുകയും കൂടുതൽ വിപണന സാധ്യത ഉറപ്പാക്കുന്നതിനുമാണ്​ കരാർ. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv ഇന്ത്യയിൽ നിന്നുള്ള കാർഷിക ഉത്പന്നങ്ങളുടെയും ഭക്ഷ്യവസ്തുക്കളുടെയും കൂടുതൽ വിപുലമായ വിതരണത്തിനായി നാഷണൽ അഗ്രികൾച്ചറൽ കോഓപ്പറേറ്റീവ് മാർക്കറ്റിങ് ഫെഡറേഷൻ ഓഫ് ഇന്ത്യയുമായും ലുലു ധാരണയിലെത്തിയിട്ടുണ്ട്. ലുലു ഗ്ലോബൽ ഓപ്പറേഷൻസ് ഡയറക്ടർ സലിം എം.എയും ‘നാഫെഡ്​’ എം.ഡി ധൈര്യഷിൽ കൻസെയും ചേർന്നാണ് ഇത് സംബന്ധിച്ച ധാരണാപത്രത്തിൽ ഒപ്പുവച്ചത്. ഇറ്റലിയിലെ പാസ്താ റീഗിയോ, സ്പെയിനിലെ ഫ്രിൻസാ ഗ്രൂപ്പ്, യു.എസിലെ ചീസ് കേക്ക് ഫാക്ടറി അടക്കം ലോകോത്തര കമ്പനികളുമായും കരാറുകളിൽ ലുലു ഒപ്പുവച്ചു.