Campa Cola UAE ദുബായ്: ഇന്ത്യയിലെ ജനപ്രിയ ബ്രാന്‍ഡുകളിലൊന്നായ കാമ്പ കോള യുഎഇയിലേക്ക് വരുന്നു. 1970കളുടെ അവസാനത്തിലും 1980കളിലും കൊക്കകോളയും പെപ്‌സി കോളയും ഇന്ത്യയിൽ ഇല്ലാതിരുന്ന കാലത്ത് മറ്റൊരു കോള പാനീയമായ ‘തംസ് അപ്പിനൊപ്പം’ കാമ്പ കോളയ്ക്ക് വലിയ ആരാധകരുണ്ടായിരുന്നു. ഇപ്പോൾ, 2023 ൽ ഇന്ത്യയിൽ വീണ്ടും ആരംഭിച്ചതിന് ശേഷം, കാമ്പ കോള യുഎഇയിലേക്കും വരികയാണ്. മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസിൻ്റെ ഭാഗമായ റിലയൻസ് കൺസ്യൂമർ പ്രൊഡക്‌ട്‌സ് ലിമിറ്റഡ് 2022ൽ കാമ്പ കോളയുടെ അവകാശം വാങ്ങുകയും ഒരു വർഷത്തിന് ശേഷം അത് പുറത്തിറക്കുകയും ചെയ്തതിന് ശേഷമാണിത്. (തംസ് അപ്പ് ഇതിനകം യുഎഇ വിപണിയിൽ റീട്ടെയിൽ ചെയ്യുന്നുണ്ട്). യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv റിലയൻസ് കൺസ്യൂമർ പ്രോഡക്‌ട്‌സ് ലിമിറ്റഡ് അബുദാബി ആസ്ഥാനമായ എഫ് ആൻഡ് ബി ഗ്രൂപ്പായ അഗ്തിയയുമായി ചേർന്ന് സൂപ്പർമാർക്കറ്റുകളിലും ഷോപ്പുകളിലും സാധ്യമാകുന്നിടത്തെല്ലാം ബ്രാൻഡ് സ്വന്തമാക്കി. ഇന്ത്യൻ എഫ് ആൻഡ് ബി ബ്രാൻഡുകളുടെ ഒരു വലിയ വിപണിയെ യുഎഇ പ്രതിനിധീകരിക്കുന്നുണ്ട്. കൂടാതെ, മറ്റ് ഗൾഫ് റീട്ടെയിൽ പ്രദേശങ്ങളിലേക്കും ഇവ എത്തിക്കുന്നതിനുള്ള ഒരു പ്ലാറ്റ്‌ഫോമിനെയും പ്രതിനിധീകരിക്കുന്നു. “അതെ, ബ്രാൻഡിൻ്റെ ആദ്യ ആഗോള എൻട്രിയെ പ്രതിനിധീകരിക്കുന്നത് യുഎഇയാണ്. ഇത് ഒരു ആഗോള ഉത്പന്നമാക്കി മാറ്റുകയെന്നതാണ് ഉദ്ദേശമെന്ന്” ” റിലയൻസ് കൺസ്യൂമർ പ്രൊഡക്ട്‌സിലെ ചീഫ് ഓപ്പറേറ്റിങ് ഓഫീസർ കേതൻ മോഡി പറഞ്ഞു. പിന്നീട്, ബ്രാൻഡിനായി യുഎഇ അടിസ്ഥാനമാക്കിയുള്ള ബോട്ട്‌ലർ ഉപയോഗിക്കാൻ പദ്ധതിയുണ്ട്. നിലവിൽ, റിലയൻസ് ഇന്ത്യയിലെ ഒന്നിലധികം ബോട്ടിലിങ് പ്ലാൻ്റുകളിൽ നിന്നാണ് കാമ്പ കോള ഉത്പാദനം നടത്തുന്നത്. യുഎഇയിൽ, കാമ്പ പോർട്ട്‌ഫോളിയോയിൽ തുടക്കത്തിൽ കാമ്പ കോള, കാമ്പ ലെമൺ, കാമ്പ ഓറഞ്ച്, കോള സീറോ എന്നിവ ഉൾപ്പെടുന്നതാണ്.