അബുദാബി: യുഎഇ ദിർഹത്തിനെതിരെ ഇന്ത്യൻ രൂപ സർവകാല റെക്കോർഡിലേക്ക് താഴ്ന്നു. നാട്ടിലേക്ക് പണം അയക്കാനുള്ള ഉത്തമ സമയം ഇതാണ്. പ്രാദേശിക ഓഹരികളിൽ നിന്നുള്ള നിരന്തരമായ ഒഴുക്ക് കറൻസിയെ പോലും സമ്മർദ്ദത്തിലാക്കി. ഡോളറിനെതിരെ രൂപയുടെ മൂല്യം എക്കാലത്തെയും താഴ്ന്ന നിരക്കായ 84.11 (ദിർഹം22.91) എന്ന നിലയിലേക്ക് കൂപ്പുകുത്തി. കഴിഞ്ഞയാഴ്ച രേഖപ്പെടുത്തിയ 84.0950 (ദിർഹം 22.9141) എന്ന റെക്കോർഡിനെ മറികടന്നു. വ്യാപാരത്തിനിടെ ഡോളറിനെതിരെ രൂപയുടെ മൂല്യം 84.1050 എന്ന റെക്കോര്‍ഡ് തലത്തിലേക്കാണ് താഴ്ന്നത്. ബിഎസ്ഇ സെൻസെക്സും നിഫ്റ്റി 50 ഇക്വിറ്റി സൂചികകളും ദിവസം 1.5 ശതമാനം വീതം ഇടിഞ്ഞു. വിദേശ നിക്ഷേപകരുടെ സ്ഥിരമായ വിൽപ്പനയും പ്രാദേശിക വരുമാനം കുറഞ്ഞതും പ്രാദേശിക ഓഹരികളെ ബാധിച്ചു. സെപ്‌റ്റംബർ അവസാനത്തെ റെക്കോർഡ് ഉയർന്ന നിരക്കിൽ നിന്ന് 9 ശതമാനം കുറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5