യാത്രക്കാരുടെ ശ്രദ്ധക്ക്, യുഎഇയിൽ നിന്ന് ഇ​ന്ത്യ​യി​ലേ​ക്കു​ള്ള ചി​ല വിമാന സ​ർ​വ്വീസു​ക​ൾ അ​പ്ര​തീ​ക്ഷി​ത​മാ​യി റ​ദ്ദാ​ക്കി. ഇ​ന്ത്യ​യി​ലെ ബ​ജ​റ്റ്​ എ​യ​ർ​ലൈ​നാ​യ സ്​​പൈ​സ്​ ജെ​റ്റാണ് ചില സർവ്വീസുകൾ റദ്ദാക്കിയത്. പ്ര​വ​ർ​ത്ത​ന​പ​ര​മാ​യ കാ​ര​ണ​ങ്ങ​ൾ മൂ​ല​മാ​ണ്​ ന​ട​പ​ടി​യെ​ന്നാ​ണ്​​ സ്​​പൈ​സ്​ വി​ശ​ദീ​ക​രി​ക്കു​ന്ന​ത്. എ​ന്നാ​ൽ, ക​ടു​ത്ത സാ​മ്പ​ത്തി​ക പ്ര​തി​സ​ന്ധി മൂ​ലം എ​യ​ർ​പോ​ർ​ട്ട്​ ഫീ​സി​ൽ കു​ടി​ശ്ശി​ക വ​രു​ത്തി​യ​തോ​ടെ ഡ​യ​റ​ക്​​ട​റേ​റ്റ്​ ജ​ന​റ​ൽ ഓ​ഫ്​ സി​വി​ൽ ഏ​വി​യേ​ഷ​ൻ (ഡിജിസി​എ) നി​രീ​ക്ഷ​ണം ശ​ക്ത​മാ​ക്കി​യ സാ​ഹ​ച​ര്യ​ത്തി​ലാ​ണ്​ സ​ർ​വ്വീ​സു​ക​ൾ വെ​ട്ടി​ച്ചു​രു​ക്കി​യ​തെ​ന്നാ​ണ്​​ സൂ​ച​ന. ദു​ബായി​ൽ​ നി​ന്ന്​ മും​ബൈ ഉ​ൾ​പ്പെ​ടെ​യു​ള്ള ന​ഗ​ര​ത്തി​ലേ​ക്കു​ള്ള സ​ർ​വ്വീ​സു​ക​ളാ​ണ്​ റ​ദ്ദാ​ക്കി​യ​ത്. പ​ല യാ​ത്ര​ക്കാ​ർ​ക്കും അ​വ​സാ​ന നിമിഷമാണ്​ ഇ​തു സം​ബ​ന്ധി​ച്ച ​സ​ന്ദേ​ശം ല​ഭി​ച്ച​ത്. സ​ർ​വ്വീ​സ്​ റ​ദ്ദാ​ക്കി​യ വി​മാ​ന​ത്തി​ലെ യാ​ത്ര​ക്കാ​രെ മ​റ്റു സ്പൈ​സ് ജെ​റ്റ് ഫ്ലൈ​റ്റു​ക​ളി​ലും എയർലൈനു​ക​ളി​ലും യാ​ത്ര ചെ​യ്യാ​ൻ അ​നു​വ​ദി​ക്കു​ക​യോ മു​ഴു​വ​ൻ റീ​ഫ​ണ്ട് ന​ൽ​കു​ക​യോ ചെ​യ്തി​ട്ടു​ണ്ടെ​ന്ന്​ ക​മ്പ​നി വ്യക്തമാക്കി. നേ​ര​ത്തേ​യും ചില സ​ർ്വവീ​സു​ക​ൾ സ്​​പൈ​സ്​ ജെ​റ്റ്​ റ​ദ്ദാ​ക്കി​യി​രു​ന്നു. ക​ടു​ത്ത സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന ക​മ്പ​നി​യി​ൽ ശ​മ്പ​ള വി​ത​ര​ണം ഉ​ൾ​പ്പെ​ടെ​യു​ള്ള വിഷ​യ​ങ്ങ​ൾ രൂ​ക്ഷ​മാ​കുകയാണെന്നാണ് പുറത്ത് വരുന്ന​ റി​പ്പോ​ർ​ട്ട്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/Lcg8GbX4UOK66lKqe8tbVF