യുഎഇയിലെ റിക്രൂട്ട്മെൻ്റ് സ്ഥാപനങ്ങൾ ജനസംഖ്യാപരമായ വൈവിധ്യത്തിന് ഊന്നൽ നൽകുന്നവയാണ്. ജോലിസ്ഥലത്തെ ജീവനക്കാരുടെ കാര്യക്ഷമത മെച്ചപ്പെടുത്തുന്നതിനായാണ് ജീവനക്കാരിലെ വൈവിധ്യം, അതായത് വംശം, രാജ്യം, ഭാഷ തുടങ്ങിയ എല്ലാകാര്യങ്ങളിലുമുള്ള വൈവിധ്യം മുൻഗണന നൽകുന്നത്. യുഎഇയിലെ പല തൊഴിലുടമകളും വൈവിധ്യത്തിൻ്റെ പ്രാധാന്യം ഊന്നിപ്പറയുന്നു. വൈവിധ്യമാർന്ന ടീം ഒരു തന്ത്രപരമായ നേട്ടം മാത്രമല്ല, രാജ്യത്തിൻ്റെ സുസ്ഥിരത ലക്ഷ്യങ്ങളുമായുള്ള നിലനിൽപ്പിൻ്റെയും ആഗോള വിന്യാസത്തിൻ്റെയും ആവശ്യകതയാണെന്ന് വിവിധ മേഖലകളിലുള്ള കമ്പനികൾ വ്യക്തമാക്കുന്നുണ്ടെന്ന് മാർക് എല്ലിസിൻ്റെ സഹസ്ഥാപകൻ സെയ്ദ് അൽഹിയാലി പറഞ്ഞു. ലോകമെമ്പാടുമുള്ള ക്ലയൻ്റുകൾക്കും ഉദ്യോഗാർത്ഥികൾക്കും നൂതനമായ പരിഹാരങ്ങൾ നൽകാനും ഉയർന്ന പ്രകടനം നിലനിർത്താനുമുള്ള ഒരു സ്ഥാപനത്തിൻ്റെ കഴിവ് മെച്ചപ്പെടുത്തുന്നതിന് ജീവനക്കാരുടെ വൈവിധ്യം ഒരു പങ്ക് വഹിക്കുന്നുണ്ടെന്ന് എച്ച് ആർ സ്ഥാപനങ്ങൾ പറയുന്നു. പല കമ്പനികളും അവരുടെ ജീവനക്കാരെ തെരഞ്ഞെടുക്കുമ്പോൾ പ്രത്യേക രാജ്യത്തെ പൗരന്മാരെ മാത്രം തെരഞ്ഞെടുക്കുന്ന രീതി തുടരുന്നുണ്ടെന്നും അതിൽ മാറ്റം വരേണ്ടതുണ്ടെന്നും ഹിദായത്ത് ഗ്രൂപ്പിലെ സീനിയർ എച്ച്ആർ ഓഫീസർ നദീം അഹമ്മദ് പറഞ്ഞു. വിവിധ പശ്ചാത്തലങ്ങളിൽ നിന്നുള്ള വ്യത്യസ്ത ദേശീയതകൾ, വ്യത്യസ്ത കഴിവുകൾ ജീവിതാനുഭവങ്ങൾ എല്ലാം ഒരു കുടക്കീഴിൽ കൊണ്ടുവരുന്നത് സ്ഥാപനത്തിന്റെയും രാജ്യത്തിന്റെയും വളർച്ചയ്ക്ക് സഹായകമാണെന്നും അദ്ദേഹം കൂട്ടിച്ചേർത്തു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്സ്ആപ്പ് ഗ്രൂപ്പൽ അംഗമാകുക https://chat.whatsapp.com/Lcg8GbX4UOK66lKqe8tbVF
Related Posts
Qatar Leads Defense Cooperation Agreement ഖത്തറിന്റെ നേതൃത്വത്തിൽ പ്രതിരോധ സഹകരണ കരാർ; അറിയാം ‘ബദർ’ ധാരണാപത്രത്തെക്കുറിച്ച്
suspicious AI-generated ads : AI ചിത്രങ്ങളുള്ള സംശയാസ്പദ പരസ്യം സോഷ്യൽ മീഡിയയിൽ ചർച്ചയാകുന്നു; ലിങ്കുകളിൽ ക്ലിക്ക് ചെയ്യരുതെന്ന് മുന്നറിയിപ്പ്
Qatar as a Global Sports Tourism Destination ആഗോള കായിക വിനോദസഞ്ചാര കേന്ദ്രമായി ഖത്തർ; T100 ട്രയാത്ത്ലൺ ഫൈനൽ ഡിസംബറിൽ, വിവിധ പ്രായക്കാർ പങ്കെടുക്കാം
Qatar Prioritises Educational Guidance ഖത്തറിന്റെ വിദ്യാഭ്യാസ മേഖല പുതിയ തലത്തിലേക്ക്; അധ്യാപക പിന്തുണയും പഠനനിലവാരവും മെച്ചപ്പെടുത്തും
ADVERTISEMENT