യുഎഇയിൽ പ്രവാസി മലയാളികൾ ഓണം ആഘോഷിച്ചപ്പോൾ വിവിധ രാജ്യങ്ങളിൽ നിന്നുള്ള നിരവധി ആളുകൾ ഓഫീസുകളിലും വീടുകളിലും ഒരുപോലെ ആഘോഷത്തിൽ പങ്കുചേർന്നു. ഈ വർഷം, ഒരു ബിസിനസ് മാനേജ്‌മെൻ്റ് കൺസൾട്ടൻസിയിലെ എമിറാത്തി ഗവൺമെൻ്റ് റിലേഷൻസ് ഡയറക്ടറായ സയീദ് അലി അൽ കാബി ആദ്യമായി ആഘോഷങ്ങളിൽ പങ്കുചേർന്നു. “എൻ്റെ സഹപ്രവർത്തകർ ഓണത്തിന് പിന്നിലെ കഥകൾ എന്നോട് പങ്കുവച്ചിരുന്നു, ഭക്ഷണം അവിശ്വസനീയമായിരുന്നു. ഇത്രയധികം വ്യത്യസ്ത തരം വെജിറ്റേറിയൻ കറികൾ മുമ്പ് കണ്ടിട്ടില്ല-അതൊരു സവിശേഷ അനുഭവമായിരുന്നു. ഇത് ഒരു കുടുംബത്തിൻ്റെ ഭാഗമാണെന്ന് തോന്നി,” അദ്ദേഹം പറഞ്ഞു. സാധാരണഗതിയിൽ, ഓണത്തിന് മലയാളികൾ അവരുടെ ഏറ്റവും മികച്ച പരമ്പരാഗത വസ്ത്രമായ കസവു മുണ്ടും സാരിയുമാണ് ധരിക്കുന്നത്. അവർ പൂക്കളംഇടുകയും 20-ലധികം വ്യത്യസ്ത വിഭവങ്ങൾ ഉൾക്കൊള്ളുന്ന ഓണസദ്യ (ഓണം സദ്യ) ഒരുക്കുകയും ചെയ്യുന്നു. തിരുവോണ ദിനത്തിലാണ് എല്ലാവരും ഒത്തുകൂടി ഓണം ആഘോഷിക്കുന്നത്. അത്തം പിറന്ന് പത്താം ദിവസമാണ് തിരുവോണം ആഘോഷിക്കുന്നത്. “ഞാൻ സാരി ഉടുത്തു, വാഴയിലയിൽ വിളമ്പിയ സദ്യ ആസ്വദിച്ച് കഴിച്ചു , വടംവലി മത്സരത്തിൽ പങ്കെടുത്തു, ഓഫീസിലെ വിവിധ വകുപ്പുകൾക്കിടയിൽ നടത്തിയ സൗഹൃദ മത്സരം ഉണർത്തി, അത് വളരെ രസകരമായിരുന്നു. യുഎഇയിൽ താമസിക്കുന്നതിലും വ്യത്യസ്തമായ നിരവധി സംസ്കാരങ്ങളെ കുറിച്ച് അറിയുന്നതിലും പഠിക്കുന്നതിലും ഞാൻ ഇഷ്ടപ്പെടുന്ന കാര്യങ്ങളിൽ ഒന്നാണിത്. തൻ്റെ സഹപ്രവർത്തകർ പലപ്പോഴും ഓണം ആഘോഷിച്ചിട്ടുണ്ട്, താൻ ആദ്യമായാണ് അതിൽ ഒരു ഭാ​ഗമാകുന്നത്”, ഐറിഷ് പ്രവാസി ബൃന്ദ ലോലർ തൻ്റെ ഓഫീസിൽ ഓണം ആഘോഷിച്ചതിനെക്കുറിച്ച് പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KvbUGfuXecq55K3RpWtTRU