Flights Cancelled on Qatar–Riyadh Routes ദോഹ: ദോഹയ്ക്കും സൗദി അറേബ്യൻ തലസ്ഥാനമായ റിയാദിനുമിടയിൽ സർവീസ് നടത്തുന്ന നിരവധി വിമാനങ്ങൾ ഒക്ടോബർ 9, 10 തീയതികളിൽ റദ്ദാക്കി ഖത്തർ എയർവേസ്. പ്രവർത്തനപരമായ കാരണങ്ങളാലാണ് വിമാന സർവീസുകൾ റദ്ദാക്കിയതെന്ന് വിമാനക്കമ്പനി അറിയിച്ചു.
വെള്ളിയാഴ്ചയും ശനിയാഴ്ചയും ഷെഡ്യൂൾ ചെയ്തിരുന്ന ചില സർവീസുകളെയാണ് തീരുമാനം ബാധിക്കുന്നത്. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് മുൻഗണനയെന്നും വിമാനങ്ങളുടെ പുതുക്കിയ വിവരങ്ങൾ ഔദ്യോഗിക വെബ്സൈറ്റിലൂടെയോ മൊബൈൽ ആപ്പിലൂടെയോ പരിശോധിക്കണമെന്നും ഖത്തർ എയർവേസ് നിർദേശിച്ചു.
ഒക്ടോബർ 9-ന് റദ്ദാക്കിയ വിമാനങ്ങൾ
വെള്ളിയാഴ്ച ദോഹയ്ക്കും റിയാദിനുമിടയിൽ റദ്ദാക്കിയ സർവീസുകൾ:
- QR1170 / QR1171
- QR1240 / QR1241
- QR1168 / QR1169
- QR1164 / QR1165
- QR1238 / QR1239
- QR1172 / QR1173
- QR1166 / QR1167
ഒക്ടോബർ 10-ന് റദ്ദാക്കിയ വിമാനങ്ങൾ
ശനിയാഴ്ച റദ്ദാക്കിയ സർവീസുകൾ:
- QR1170 / QR1171
- QR1240 / QR1241
- QR1238 / QR1239
- QR1164 / QR1165
യാത്രക്കാർ ശ്രദ്ധിക്കേണ്ട കാര്യങ്ങൾ
ദോഹയിൽനിന്ന് റിയാദിലേക്കോ തിരിച്ചോ യാത്ര ചെയ്യാൻ ടിക്കറ്റ് ബുക്ക് ചെയ്തവർ വിമാനത്തിന്റെ നിലവിലെ സ്ഥിതി ഉറപ്പാക്കിയശേഷം മാത്രം വിമാനത്താവളത്തിലേക്ക് പുറപ്പെടണം. യാത്രാ സമയത്തിൽ മാറ്റമുണ്ടായിട്ടുണ്ടോയെന്നും ടിക്കറ്റ് പുനഃക്രമീകരിക്കുന്നതിനുള്ള സൗകര്യങ്ങളുണ്ടോയെന്നും ഖത്തർ എയർവേസ് വെബ്സൈറ്റിലൂടെയോ ആപ്പിലൂടെയോ പരിശോധിക്കാം.
വിമാന സർവീസുകൾ റദ്ദാക്കിയതിനെക്കുറിച്ചുള്ള കൂടുതൽ വിവരങ്ങൾക്കും യാത്രയുമായി ബന്ധപ്പെട്ട സഹായത്തിനും വിമാനക്കമ്പനിയുടെ ഔദ്യോഗിക അറിയിപ്പുകൾ പിന്തുടരണമെന്ന് അധികൃതർ നിർദേശിച്ചു.
