Al Ain car crash അൽ ഐനിലെ അൽ റസീൻ പ്രദേശത്ത് ഒരു കുടുംബ വിനോദയാത്ര കഴിഞ്ഞ് വീട്ടിലേക്ക് മടങ്ങുന്നതിനിടെ ഒരു എമിറാത്തി കുടുംബത്തിലെ മൂന്ന് അംഗങ്ങൾ അപകടത്തില്‍ മരിച്ചു. വെള്ളിയാഴ്ച വൈകുന്നേരം ഉണ്ടായ അപകടത്തില്‍ അച്ഛൻ, മകൻ, മകൾ എന്നിവരാണ് മരിച്ചത്. ബന്ധുക്കൾ പറയുന്നതനുസരിച്ച്, കുടുംബം അവരുടെ വീട്ടിലേക്ക് മടങ്ങുന്നതിന് മുന്‍പ് അത്താഴം പങ്കിടാൻ പ്രാദേശികമായി ‘അസ്ബ’ എന്നറിയപ്പെടുന്ന അവരുടെ സ്വകാര്യ വിശ്രമ കേന്ദ്രത്തിൽ ഒത്തുകൂടി. അച്ഛൻ, മൂന്ന് ആൺമക്കൾ, ഒരു മകൾ, ഒരു വീട്ടുജോലിക്കാരൻ എന്നിവരുൾപ്പെടെ ആറ് പേരുമായി അൽ റസീൻ പ്രദേശത്തെ ഒരു മൺപാതയിലൂടെ സഞ്ചരിക്കുമ്പോൾ വാഹനം നിയന്ത്രണം വിട്ട് മറിയുകയായിരുന്നു. അപകടത്തിൽ അച്ഛനും ഒരു മകനും മകളും മരിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek ബാക്കിയുള്ള യാത്രക്കാരെ വിവിധ പരിക്കുകളോടെ ആശുപത്രിയിൽ പ്രവേശിപ്പിച്ചു. ശനിയാഴ്ച അൽ മതവ പള്ളിയിൽ മയ്യത്ത് പ്രാർഥനകൾക്ക് ശേഷം മരിച്ചവരുടെ സംസ്കാരം നടത്തി. ജനസത്ത് അൽ ഐൻ പ്ലാറ്റ്‌ഫോമിൽ നിന്നുള്ള അറിയിപ്പ് പ്രകാരം, അൽ ഐനിലെ അടുത്തുള്ള അൽ മതവ സെമിത്തേരിയിൽ സംസ്കാരം നടന്നു.