Traffic Fine Discount in UAE ദുബായ്: ട്രാഫിക് പിഴകളിൽ ഗണ്യമായ കിഴിവ് വാഗ്ദാനം ചെയ്യുന്ന വ്യാജ വെബ്‌സൈറ്റുകളുമായും അജ്ഞാത സോഷ്യൽ മീഡിയ അക്കൗണ്ടുകളുമായും ഇടപഴകുന്നതിനെതിരെ മുന്നറിയിപ്പ് നല്‍കി അബുദാബി പോലീസ്. ഈ അക്കൗണ്ടുകളിൽ ചിലത് 90 ശതമാനം വരെ കിഴിവുകൾ, വാഹനം കണ്ടുകെട്ടൽ റദ്ദാക്കൽ, ഡ്രൈവർമാരുടെ രേഖകളിൽ നിന്ന് ബ്ലാക്ക് പോയിന്‍റുകൾ നീക്കം ചെയ്യൽ എന്നിവ വാഗ്ദാനം ചെയ്യുന്നെന്ന് അവകാശപ്പെടുന്നു. പോലീസ്, ട്രാഫിക് സേവനങ്ങൾ, വാഹന രജിസ്ട്രേഷൻ എന്നിവയുമായി ബന്ധപ്പെട്ട തെറ്റായ വിവരങ്ങൾ പ്രചരിപ്പിക്കുന്ന ഈ വഞ്ചനാപരമായ ഓൺലൈൻ സേവനങ്ങളുടെ ഇരകളാകരുതെന്ന് അബുദാബി പോലീസ് അടുത്തിടെ പുറത്തിറക്കിയ ഒരു പ്രസ്താവനയിൽ പൊതുജനങ്ങൾക്ക് മുന്നറിയിപ്പ് നൽകി. ഈ സൈറ്റുകളും അക്കൗണ്ടുകളും പ്രധാനമായും വ്യക്തികളെ വഞ്ചിക്കുക എന്നതാണ് ലക്ഷ്യം, ഔദ്യോഗിക ഉറവിടങ്ങളിൽ നിന്ന് മാത്രം കൃത്യമായ വിവരങ്ങൾ നേടേണ്ടതിന്റെ പ്രാധാന്യം പോലീസ് ഊന്നിപ്പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek അബുദാബിയിലെ ട്രാഫിക് പിഴകൾ ഗണ്യമായി കുറയ്ക്കാനും വാഹനങ്ങൾ പിടിച്ചെടുക്കുന്നത് റദ്ദാക്കാനും ഡ്രൈവിങ് രേഖകളിൽ നിന്ന് ബ്ലാക്ക് പോയിന്റുകൾ മായ്ക്കാനും ഈ അക്കൗണ്ടുകൾക്ക് കഴിയുമെന്ന് തട്ടിപ്പുകാർ അവകാശപ്പെടുന്നതിനാൽ, സോഷ്യൽ മീഡിയയിൽ ഇത്തരം തട്ടിപ്പ് അക്കൗണ്ടുകളുടെ എണ്ണത്തിൽ വർധനവ് ഉണ്ടായതായി നിരീക്ഷണ അധികാരികൾ കണ്ടെത്തിയിട്ടുണ്ട്. ഈ സേവനങ്ങൾ പൂർണമായും സാങ്കൽപ്പികമാണെന്നും ഏതെങ്കിലും ഔദ്യോഗിക പോലീസ്, ട്രാഫിക് അല്ലെങ്കിൽ വാഹന രജിസ്ട്രേഷൻ വകുപ്പുകളുമായി ഇവയ്ക്ക് യാതൊരു ബന്ധവുമില്ലെന്നും അബുദാബി പോലീസ് ആവർത്തിച്ചു. പൊതുജന അവബോധ കാംപെയ്‌നുകളുടെ ഭാഗമായി, തെറ്റായ വിവരങ്ങളെ ആശ്രയിച്ച് ഇരകളെ വഞ്ചിക്കാനും ചൂഷണം ചെയ്യാനും ശ്രമിക്കുന്ന ഇലക്ട്രോണിക് തട്ടിപ്പ് തന്ത്രങ്ങൾക്ക് മറുപടി നൽകുന്നതിലെ അപകടങ്ങളെക്കുറിച്ച് അബുദാബി പോലീസ് ഊന്നിപ്പറഞ്ഞു. പൊതുജനങ്ങൾ അവരുടെ സ്വകാര്യ ഡാറ്റ സംരക്ഷിക്കാനും രഹസ്യ വിവരങ്ങൾ പങ്കിടുന്നതിൽ നിന്ന് വിട്ടുനിൽക്കാനും അതുവഴി ടെലിഫോൺ അല്ലെങ്കിൽ ഓൺലൈൻ തട്ടിപ്പുകൾക്ക് ഇരയാകുന്നത് ഒഴിവാക്കാനും അഭ്യർഥിച്ചു.