Sheikh Hamdan shares Chendamelam ദുബായ്: ഇന്ത്യയിൽ രണ്ട് ദിവസത്തെ ഔദ്യോഗിക സന്ദർശനത്തിനെത്തിയ ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തന്‍റെ ഇൻസ്റ്റഗ്രാം അക്കൗണ്ടിലൂടെ പങ്കുവെച്ച ചെണ്ടമേളത്തിന്‍റെ ദൃശ്യം വൈറലായി. ഡൽഹി അന്താരാഷ്ട്ര വിമാനത്താവളത്തിൽ ശൈഖ് ഹംദാനുവേണ്ടി ചെണ്ടമേളവും ഇലത്താളവുമെല്ലാം ഒരുക്കിയിരുന്നു. പിന്നാലെ അദ്ദേഹം ആ ദൃശ്യങ്ങൾ ഇൻസ്റ്റഗ്രാമിൽ പങ്കിട്ടു. 1.69 കോടിയാളുകളാണ് ഇൻസ്റ്റഗ്രാമിൽ ശൈഖ് ഹംദാനെ പിന്തുടരുന്നത്. കേന്ദ്ര പെട്രോളിയം സഹമന്ത്രി സുരേഷ്‌ഗോപിയുടെ നേതൃത്വത്തിലാണ് ഇന്നലെ ശൈഖ് ഹംദാന് സ്വീകരണം നൽകിയത്.യുഎഇ പ്രതിരോധമന്ത്രിയായി ചുമതലയേറ്റശേഷം ആദ്യമായാണ് ശൈഖ് ഹംദാന്‍റെ ഇന്ത്യ സന്ദര്‍ശനം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ചാണ് ശൈഖ് ഹംദാൻ ഡൽഹിയിലെത്തുന്നത്. വിവിധതലങ്ങളിൽ ഇന്ത്യയും യു.എ.ഇയും തമ്മിലെ ബന്ധം കൂടുതൽ ശക്തിപ്പെടുത്താൻ ലക്ഷ്യമിട്ടാണ് ദുബായ് കിരീടാവാശി ഇന്ത്യയിലെത്തുന്നത്. തന്ത്രപ്രധാനമേഖലകളിൽ ഇരുരാജ്യങ്ങളുടെ സഹകരണം ശക്തമാക്കുന്ന കരാറുകളിലേക്ക് സന്ദർശനം വഴി തുറന്നേക്കുമെന്നാണ് പ്രതീക്ഷ. സന്ദർശനത്തിന്‍റെ ആദ്യദിനം കിരീടാവകാശിക്ക് പ്രധാനമന്ത്രി പ്രത്യേക വിരുന്നൊരുക്കും. വിദേശകാര്യമന്ത്രി ഡോ. എസ്. ജയശങ്കർ, പ്രതിരോധമന്ത്രി രാജ്‌നാഥ് സിങ് എന്നിവരുമായി ശൈഖ് ഹംദാന്‍ ഡൽഹിയിൽ കൂടിക്കാഴ്ച നടത്തിയിരുന്നു. രണ്ടാം ദിവസം ശൈഖ് ഹംദാൻ മുംബൈ സന്ദർശിക്കും. ഇന്ത്യയിലെയും യു.എ.ഇയിലെയും ബിസിനസ് പ്രമുഖരുമായി അദ്ദേഹം മുംബൈയിൽ കൂടിക്കാഴ്ച നടത്തും.