UAE Eid Al Adha ദുബായ്: യുഎഇയില്‍ ഈദ് അല്‍ അദ്ഹയുടെ പൊതു അവധി ദിനം അവധിക്കാലമാക്കാം. ആഘോഷങ്ങൾ, വിരുന്നുകൾ, ഒത്തുചേരലുകൾ, പെട്ടെന്നുള്ള വിനോദയാത്രകൾ എന്നിവയുമായി താമസക്കാർ ഈദ് അൽ ഫിത്തർ അവധിക്കാലം ആഘോഷിച്ചു. ഇപ്പോൾ എല്ലാവരും ജോലിയിൽ തിരിച്ചെത്തിയതിന് പിന്നാലെ യുഎഇയിലെ അടുത്ത പൊതു അവധി എപ്പോഴാണെന്നാണ് ആലോചിക്കുന്നത്. യുഎഇ നിവാസികൾക്ക് അവരുടെ നീണ്ട വാരാന്ത്യം ആസ്വദിക്കാൻ അധികനേരം കാത്തിരിക്കേണ്ടി വരില്ല. ജൂണിലെ ഈദ് അല്‍ അദ്ഹയെ കാത്തിരിക്കുകയാണ് യുഎഇ നിവാസികള്‍. നീണ്ട യാത്രാ സമയം വേണ്ട രാജ്യങ്ങളിലേക്ക് യാത്ര ചെയ്യാന്‍ നിവാസികള്‍ പദ്ധതിയിടുന്നുണ്ട്. അതോടൊപ്പം മികച്ച ആസൂത്രണത്തോടെ, സഫൂറ ജലാലി തന്റെ വാർഷിക അവധി ദിനങ്ങളുമായി ഈദ് അവധി ദിനങ്ങൾ കൂടി ദീർഘിപ്പിക്കാന്‍ ഒരുങ്ങുകയാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe സൗദി അറേബ്യയിലെ ഹജ്ജ് തീര്‍ഥാടനത്തിന് പോകാനും പദ്ധതിയിടുന്നുണ്ട്. ഇസ്ലാമിലെ ഏറ്റവും പുണ്യദിനമായി കണക്കാക്കപ്പെടുന്ന അറഫ ദിനം, ദുൽ ഹിജ്ജ 9 ന് വരുന്ന യുഎഇയിൽ അവധി ദിവസമായിരിക്കും. ഇതിനുശേഷം ഇസ്ലാമിക ഉത്സവമായ ഈദ് അൽ അദ്ഹയ്ക്ക് (ദുൽ ഹിജ്ജ 10-12) മൂന്ന് ദിവസത്തെ ഇടവേള ലഭിക്കും. രണ്ട് അവധി ദിനങ്ങളും ചേർന്ന് നാല് ദിവസത്തെ ഇടവേളയായി മാറും. ഇസ്ലാമിക കലണ്ടർ ചാന്ദ്രചക്രത്തെ പിന്തുടരുന്നു. ജ്യോതിശാസ്ത്ര കണക്കുകൂട്ടലുകൾ പ്രകാരം, ജൂൺ 5 വ്യാഴാഴ്ച അറഫ ദിനം വരുമെന്ന് പ്രതീക്ഷിക്കുന്നു. തുടർന്ന്, ഈദ് അൽ അദ്ഹ അവധി ജൂൺ ആറ് വെള്ളിയാഴ്ച മുതൽ ജൂൺ എട്ട് ഞായറാഴ്ച വരെയായിരിക്കും. എന്നിരുന്നാലും, ഔദ്യോഗിക തീയതികൾ ചന്ദ്രനെ കാണുന്നതിനെ ആശ്രയിച്ചിരിക്കും.