Sheikh Hamdan India Visit ദുബായ് കിരീടാവകാശി ഷെയ്ഖ് ഹംദാന്‍ നാളെ (ഏപ്രില്‍ എട്ട്) ഇന്ത്യ സന്ദര്‍ശിക്കാനെത്തും. പ്രധാനമന്ത്രി നരേന്ദ്ര മോദിയുടെ ഔദ്യോഗിക ക്ഷണത്തെ തുടർന്നാണ് ഷെയ്ഖ് ഹംദാന്‍റെ രണ്ട് ദിവസത്തെ സന്ദർശനം. ദുബായ് കിരീടാവകാശിയായി ചുമതലയേറ്റ ശേഷം ഷെയ്ഖ് ഹംദാന്റെ ആദ്യ ഇന്ത്യാ സന്ദർശനമാണിത്. വിവിധ തന്ത്രപ്രധാന മേഖലകളിലെ ഉഭയകക്ഷി സഹകരണം വർധിപ്പിക്കുന്നതിനും പങ്കാളിത്തം ശക്തിപ്പെടുത്തുന്നതിനുമുള്ള വഴികൾ പര്യവേക്ഷണം ചെയ്യുന്നതിനായി ദുബായ് കിരീടാവകാശി മുതിർന്ന ഇന്ത്യൻ ഉദ്യോഗസ്ഥരുമായി ചർച്ച നടത്തും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe ഏപ്രിൽ എട്ടിന് പ്രധാനമന്ത്രി മോദി ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന് ഒരു വിരുന്ന് നൽകും. ഇന്ത്യൻ വിദേശകാര്യ മന്ത്രി ഡോ. എസ്. ജയ്ശങ്കർ, രക്ഷാ മന്ത്രി ശ്രീ രാജ്‌നാഥ് സിങ് എന്നിവരുമായും ഷെയ്ഖ് ഹംദാൻ കൂടിക്കാഴ്ച നടത്തും.