Robo Taxi UAE അ​ബുദാബി: സ്വ​യം നി​യ​ന്ത്രി​ത റോ​ബോ ടാ​ക്‌​സി​യു​ടെ പ​രീ​ക്ഷ​ണ ഓ​ട്ട​ത്തി​ന് അ​ബു​ദാ​ബി​യി​ല്‍ തു​ട​ക്ക​മാ​യി. 2026 ഓടെ റോബോ ടാക്സി പ്രവര്‍ത്തനം ആരംഭിക്കും. ഇതിനു മുന്നോടിയായാണ് പരീക്ഷണ ഓട്ടം. യുഎ​ഇ ആ​സ്ഥാ​ന​മാ​യി പ്ര​വ​ര്‍ത്തി​ക്കു​ന്ന സ്വ​യം ​നി​യ​ന്ത്രി​ത വാ​ഹ​ന​ങ്ങ​ൾ നി​ർ​മി​ക്കു​ന്ന ക​മ്പ​നി​യാ​യ ഓ​ട്ടോ​ഗാ​യാ​ണ് റോ​ബോ ടാ​ക്‌​സി​യു​ടെ പ​രീ​ക്ഷ​ണ​യോ​ട്ടം നടത്തുന്നത്. സം​യോ​ജി​ത ഗ​താ​ഗ​തകേ​ന്ദ്ര​വു​മാ​യി സ​ഹ​ക​രി​ച്ച് വെ​ള്ളി​യാ​ഴ്ച വൈ​കീ​ട്ട് മു​ത​ലാണ് പരീക്ഷണ ഓട്ടം ആരംഭിച്ചത്. റോ​ബോ ടാ​ക്‌​സി​യു​ടെ പ​രീ​ക്ഷ​ണം അ​ബുദാ​ബി​യി​ലെ ന​ഗ​രഗ​താ​ഗത​ത്തി​ന്‍റെ ബൃ​ഹ​ത്താ​യ പ​രി​വ​ര്‍ത്ത​ന​ത്തി​ന്‍റെ തു​ട​ക്ക​മാ​ണെ​ന്ന് ഓ​ട്ടോ​ഗോ​യു​ടെ മാ​തൃ​ക​മ്പ​നി​യാ​യ കി​ന്‍റ​സു​ഗി ഹോ​ള്‍ഡി​ങ് മാ​നേ​ജി​ങ് ഡ​യ​റ​ക്ട​ര്‍ സീ​ന്‍ ടി​യോ പ​റ​ഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe റോ​ഡ് സു​ര​ക്ഷ വ​ര്‍ധി​പ്പി​ക്കു​ക, സു​സ്ഥി​ര ഗ​താ​ഗ​തം കൈ​വ​രി​ക്കു​ക എ​ന്നീ ര​ണ്ട് ല​ക്ഷ്യ​ങ്ങ​ളാ​ണ് റോ​ബോ ടാ​ക്‌​സി​ക​ള്‍ മു​ന്നോ​ട്ടു​വെ​ക്കു​ന്ന​ത്. പൊ​തു​നി​ര​ത്തു​ക​ളി​ലെ അ​താതു സാ​ഹ​ച​ര്യ​ങ്ങ​ളു​മാ​യി വാ​ഹ​നം എ​ങ്ങ​നെ പെ​രു​മാ​റു​ന്നു എ​ന്ന​ത​ട​ക്ക​മു​ള്ള കാ​ര്യ​ങ്ങ​ള്‍ പരീക്ഷണ ഓട്ടത്തിലൂടെ പ​രി​ശോ​ധി​ക്കും. ചൈ​നീ​സ് ടെ​ക് അ​തി​കാ​യ​രാ​യ ബൈ​ഡു​വി​ന്‍റെ സ​ഹ​സ്ഥാ​പ​ന​മാ​യ അ​പ്പോ​ളോ ഗോ​യു​മാ​യി സ​ഹ​ക​രി​ച്ചാ​ണ് ഓ​ട്ടോ​ഗോ ന​ട​ത്തു​ന്ന​ത്.