Traffic in UAE അബുദാബി: ദുബായിക്കും ഷാർജയ്ക്കും ഇടയിലുള്ള കനത്ത ഗതാഗതക്കുരുക്ക് ആയിരക്കണക്കിന് യാത്രക്കാർ നേരിടുന്ന ഒരു ദൈനംദിന വെല്ലുവിളിയാണ്. മണിക്കൂറുകളോളം ഗതാഗതക്കുരുക്കിൽ ചെലവഴിക്കുന്നത് ഒഴിവാക്കാൻ, ചില താമസക്കാർ അവരുടെ ഷെഡ്യൂളുകൾ ക്രമീകരിക്കുകയാണ്. പുലർച്ചെക്ക് മുന്‍പ് വീട്ടിൽനിന്ന് ഇറങ്ങുകയോ തിരക്ക് കുറയുന്നതുവരെ ജോലി കഴിഞ്ഞ് പള്ളികളിലോ കഫേകളിലോ ജിമ്മുകളിലോ തങ്ങുകയോ ചെയ്യുന്നു. രണ്ട് എമിറേറ്റുകൾക്കിടയിൽ യാത്ര ചെയ്യുന്ന ഒരു ജീവനക്കാരൻ പ്രതിവർഷം ഏകദേശം 460 മണിക്കൂർ ചെലവഴിക്കുന്നുണ്ടെന്ന് ഫെഡറൽ നാഷണൽ കൗൺസിൽ (എഫ്‌എൻ‌സി) അംഗം അദ്‌നാൻ അൽ ഹമ്മദി വെളിപ്പെടുത്തി. ഇത് 60 പ്രവൃത്തി ദിവസങ്ങൾക്ക് തുല്യവുമാണ്. അൽ ഹമ്മദിയുടെ ആശങ്കകൾക്ക് മറുപടിയായി, മന്ത്രാലയം ആഴത്തിലുള്ള പഠനം നടത്തുമെന്നും സമഗ്രമായ ഒരു പദ്ധതി വികസിപ്പിക്കുന്നതിന് തദ്ദേശ സ്വയംഭരണ സ്ഥാപനങ്ങളുമായി ചേർന്ന് പ്രവർത്തിക്കുമെന്നും ഊർജ്ജ, അടിസ്ഥാന സൗകര്യ മന്ത്രി സുഹൈൽ അൽ മസ്രൂയി പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe ഒരു പരസ്യ പ്രൊഫഷണലായ റീം അൽ ഖൈദി രാവിലെ 6.30 ന് അൽ നോഫിലെ വീട്ടിൽ നിന്ന് പുറപ്പെട്ട് രാവിലെ എട്ട് മണിയോടെ മീഡിയ സിറ്റിയിലെ ഓഫീസിലെത്തും. ഗതാഗതക്കുരുക്ക് ഒഴിവാക്കാൻ പള്ളിയിൽ സമയം ചെലവഴിക്കാൻ ഇയാള്‍തിരഞ്ഞെടുക്കുന്നതിനാൽ മടക്കയാത്ര വ്യത്യസ്തമായ ഒരു കഥയാണ്. “ചിലപ്പോൾ, വീട്ടിലെത്താൻ രണ്ട് മണിക്കൂറിൽ കൂടുതൽ എടുക്കും,” അല്‍ ഖൈദി പറഞ്ഞു. “തിരക്ക് ഏറ്റവും കുറഞ്ഞ വഴി കണ്ടെത്താൻ എപ്പോഴും ഗൂഗിൾ മാപ്പ് പരിശോധിക്കും. റോഡുകൾ തിരക്കേറിയതാണെങ്കിൽ, വൈഹനമോടിക്കുന്നത് തുടരുന്നതിന് മുന്‍പ് അസർ നമസ്കരിക്കാൻ ഒരു പള്ളിയിൽ നിർത്തും.