fishing limit in uae യുഎഇയിൽ അനുവദനീയമായ ദൈനംദിന പരിധി കഴിഞ്ഞും മത്സ്യബന്ധനം ന‌ടത്തിയ വിനോദ മത്സ്യത്തൊഴിലാളിക്ക് (റിക്രിയേഷനൽ ഫിഷർമാൻ) വൻ തുക പിഴ ഈടാക്കി. 50,000 ദിർഹം പിഴ ചുമത്തിയതായി അബുദാബി പരിസ്ഥിതി ഏജൻസി (ഇ​എ​ഡി) അറിയിച്ചു. സമുദ്ര വിഭവങ്ങൾ സംരക്ഷിക്കുന്നതിനും ഭാവി തലമുറകൾക്ക് വേണ്ടി അവയുടെ സുസ്ഥിരത ഉറപ്പാക്കുന്നതിനുമുള്ള ഏജൻസിയുടെ ശ്രമങ്ങളുടെ ഭാ​ഗമായാണ് ഈ നീക്കം. ഇവിടത്തെ മത്സ്യബന്ധനം ഒരു സാമ്പത്തിക പ്രവർത്തനം മാത്രമല്ല, പലരും വിനോദത്തിനായി പങ്കെടുക്കുന്ന ഒന്ന് കൂടിയാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv   പ്രദേശത്തിന്റെ സമുദ്ര വൈവിധ്യം സംരക്ഷിക്കുന്നതിന് യുഎഇ നിയമങ്ങൾ നടപ്പിലാക്കിയിട്ടുണ്ട്. മത്സ്യബന്ധനത്തിന് നിർദിഷ്ട സീസണുകൾ രാജ്യത്തുണ്ട്. അതുപോലെ തന്നെ മത്സ്യബന്ധനം നിയന്ത്രിക്കുന്നതിനുള്ള നിയന്ത്രണങ്ങളും. സമുദ്ര വിഭവങ്ങൾ സംരക്ഷിക്കുന്നതിനുള്ള ചട്ടങ്ങളും നിയമങ്ങളും പാലിക്കാൻ ഏജൻസി വിനോദ ബോട്ടുകളുടെ ഉടമകളോട് ആവശ്യപ്പെട്ടു.