PRAVASIVARTHA

ട്രാഫിക് പരിശീലനത്തിനിടെ വാഹനമോടിക്കുന്നയാൾക്ക് പിഴവ് പറ്റുകയോ, ട്രാഫിക് നിയമം ലംഘിക്കേണ്ട സാഹചര്യമോ ഉണ്ടായാൽ പിഴയടയ്ക്കേണ്ടത് ആരാണ് എന്നതിൽ ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി വ്യക്തത വരുത്തിയിരിക്കുകയാണ്. ഡ്രൈവിംഗ് പഠിക്കുമ്പോൾ ആരെങ്കിലും ട്രാഫിക് നിയമലംഘനം നടത്തിയാൽ, ഡ്രൈവിംഗ് ഇൻസ്റ്റിറ്റ്യൂട്ടിന് പിഴ ചുമത്തുമെന്ന് ആർടിഎ അറിയിച്ചു.

ഡ്രൈവിം​ഗ് പഠിക്കുന്നവരുടെയും പരിശീലന വാഹനത്തിൻ്റെയും മറ്റ് റോഡ് ഉപയോക്താക്കളുടെയും സുരക്ഷ ശ്രദ്ധിക്കേണ്ടത് ഇൻസ്ട്രക്ടറുടെ ഉത്തരവാദിത്തമാണെന്ന് എമിറേറ്റ്‌സ് ഡ്രൈവിംഗ് ഇൻസ്റ്റിറ്റ്യൂട്ടിലെ (ഇഡിഐ) ഇൻസ്ട്രക്ടർ ട്രെയിനിംഗ് സെൻ്റർ മാനേജർ വജാഹത് നൂർ പറയുന്നു. പഠിതാക്കൾ തെറ്റുകൾ വരുത്താൻ സാധ്യതയുള്ളതിനാൽ ഏത് സാഹചര്യത്തിലും ഇൻസ്ട്രക്ടർമാർ കൂടുതൽ ജാഗ്രത പാലിക്കേണ്ടതുണ്ട്. പഠിതാക്കളിൽ നിന്ന് അപകടങ്ങൾക്കോ ​​പിഴകൾക്കോ ​​കാരണമാകുന്ന തെറ്റുകൾ സംഭവിച്ചാൽ, അവ പരിശീലകൻ്റെ തെറ്റായാണ് കണക്കാക്കുക.

ഡ്രൈവിംഗ് പരിശീലനത്തിനിടയിലെ അപകടങ്ങൾ തടയുന്നതിന് വിദ്യാർത്ഥികളെ പഠിപ്പിക്കുന്നതിന് ഇരട്ട നിയന്ത്രണങ്ങളും ബ്രേക്കുകളും ഉള്ള കാറുകളാണ് ഉപയോഗിക്കുന്നത്. അതിനാൽ പരിശീലന വാഹനങ്ങളിൽ സുരക്ഷാ ഫീച്ചറുകൾ സജ്ജീകരിച്ചിരിച്ചിട്ടുണ്ടെന്ന് നൂർ കൂട്ടിച്ചേർത്തു. അതേസമയം, പുതിയ ഡ്രൈവർമാരിൽ ശക്തമായ ശ്രദ്ധയുണ്ടാകണമെന്ന് റോഡ് സേഫ്റ്റി യുഎഇയുടെ സ്ഥാപകനും മാനേജിംഗ് ഡയറക്ടറുമായ തോമസ് എഡൽമാൻ പറഞ്ഞു. ആഭ്യന്തര മന്ത്രാലയം (MOI) പുറത്തിറക്കിയ 2023 ലെ റോഡ് സുരക്ഷാ സ്ഥിതിവിവരക്കണക്കുകളെക്കുറിച്ചുള്ള ഏറ്റവും പുതിയ കണക്ക് പ്രകാരം പ്രധാന അപകടങ്ങളിൽ 15 ശതമാനവും പുതിയ ഡ്രൈവിംഗ് ലൈസൻസ് ഉടമകളാണ്.

വാഹനമോടിക്കുന്നവർ സുരക്ഷാ ക്രമീകരണങ്ങൾ പാലിക്കണമെന്ന് അധികൃതർ ഓർമിപ്പിക്കുന്നു:
എല്ലാ സമയത്തും സീറ്റ് ബെൽറ്റ് ധരിക്കുക
വേഗത പരിധികൾ പാലിക്കുക
കാറുകൾ തമ്മിൽ കൃത്യമായ അകലം പാലിക്കുക
ഇൻഡിക്കേറ്ററുകൾ ഉപയോഗിക്കുക
നിരോധിത വസ്തുക്കൾ ഒഴിവാക്കുക
റോഡിൽ ശ്രദ്ധ കേന്ദ്രീകരിക്കുക, യാത്രക്കാരുടെയും മൊബൈൽ ഫോണുകളുടെയും മേൽ ശ്രദ്ധവയ്ക്കരുത്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/JPixZWmtID0Jd9EcWTSEyq