etihad airways online : യുഎഇയില്‍ നിന്ന് കേരളത്തിലേക്കുള്ള സര്‍വീസ് പുനരാരംഭിച്ച് എയര്‍ലൈന്‍ - Pravasi Vartha TRAVEL

etihad airways online : യുഎഇയില്‍ നിന്ന് കേരളത്തിലേക്കുള്ള സര്‍വീസ് പുനരാരംഭിച്ച് എയര്‍ലൈന്‍

യുഎഇയില്‍ നിന്ന് കേരളത്തിലേക്കുള്ള സര്‍വീസ് പുനരാരംഭിച്ച് എയര്‍ലൈന്‍. ഇത്തിഹാദ് എയര്‍വേസ് അബുദാബിയില്‍നിന്ന് കോഴിക്കോട്, തിരുവനന്തപുരം വിമാനത്താവളങ്ങളിലേക്ക് ജനുവരി ഒന്നുമുതല്‍ സര്‍വിസ് etihad airways online പുനരാരംഭിക്കുന്നു. പ്രതിദിനം ഓരോ സര്‍വിസുകളാണ് ആദ്യഘട്ടത്തില്‍ നടത്തുക. എല്ലാ ദിവസവും ഉച്ചകഴിഞ്ഞ് 14.40ന് അബുദാബിയില്‍നിന്ന് യാത്ര തിരിച്ച് രാത്രി 19.55ന് എത്തുന്ന രീതിയിലാണ് കോഴിക്കോട്ടേക്കുള്ള സര്‍വിസ്. എയര്‍ക്രാഫ്റ്റ് എയര്‍ ബസ് 320 ആണ് ഇതിനായി സര്‍വിസ് നടത്തുന്നത്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/KcfknpACgyY38jcrgxM60u
ഇതില്‍ എട്ട് ബിസിനസ് ക്ലാസ്, 157 എക്കോണമി സീറ്റുകളാണ് ക്രമീകരിച്ചത്. തിരിച്ച് രാത്രി 21.30ന് കോഴിക്കോട്ടുനിന്ന് പുറപ്പെടുന്ന വിമാനം അര്‍ധരാത്രി 00.05ന് അബൂദബിയിലെത്തും. എയര്‍ ക്രാഫ്റ്റ് എയര്‍ ബസ് 321 ആണ് തിരുവനന്തപുരം റൂട്ടില്‍ സര്‍വിസ് നടത്തുന്നത്. പുലര്‍ച്ച 3.20ന് യാത്രയാവുന്ന വിമാനം രാവിലെ ഒമ്പതിന് തിരുവനന്തപുരത്തെത്തും. രാവിലെ 10.05ന് തിരുവനന്തപുരത്തുനിന്ന് എത്തുന്ന വിമാനം ഉച്ചക്ക് 12.55ന് അബുദാബിയില്‍ ലാന്‍ഡ് ചെയ്യും. ഏഴു കിലോ മുതല്‍ 35 കിലോ വരെ ലഗേജ് കൊണ്ടുപോകാന്‍ സാധിക്കുംവിധം വിവിധ നിരക്കുകളില്‍ സൗകര്യമുണ്ട്. ഏഴു കിലോ ഹാന്‍ഡ് ബാഗേജ് മാത്രമായും ടിക്കറ്റ് ബുക്ക് ചെയ്യാം. അതേസമയം, ദുബൈ അല്‍ വാസില്‍ സെന്ററിലെ ശൈഖ് സായിദ് റോഡില്‍നിന്നും തിരിച്ചും സൗജന്യമായി ബസ് സര്‍വിസും പുതിയ സര്‍വിസുകള്‍ക്കായി ഇത്തിഹാദ് ഒരുക്കിയിട്ടുണ്ട്.
സീറ്റ് വേണ്ടവര്‍ മുന്‍കൂട്ടി ബുക്ക് ചെയ്യണം. ബുക്ക് ചെയ്യാത്തവര്‍ക്ക് സീറ്റ് ഉണ്ടെങ്കില്‍ യാത്ര ചെയ്യാം. ഇത്തിഹാദ് കൊച്ചി വിമാനത്താവളത്തിലേക്ക് നിലവില്‍ മൂന്നു സര്‍വിസുകള്‍ നടത്തുന്നുണ്ട്. ഇതോടെ കേരളത്തിലെ മൂന്നു പ്രധാന കേന്ദ്രങ്ങളിലേക്ക് സര്‍വിസുകള്‍ ആവുകയാണ്. കോഴിക്കോട് വിമാനത്താവളത്തില്‍ രാത്രി ലാന്‍ഡിങ് നിരോധിച്ചതിനെ തുടര്‍ന്ന് 2022 ജൂണില്‍ ഇത്തിഹാദ് സര്‍വിസ് അവസാനിപ്പിക്കുകയായിരുന്നു.

യുഎഇയില്‍ വാഹനമോടിക്കുന്നവര്‍ക്ക് ഒരു സന്തോഷ വാര്‍ത്ത

Related Posts

Leave a Reply

Your email address will not be published. Required fields are marked *