norka roots : പ്രവാസികൾക്ക് നോർക്ക-കേരളാബാങ്ക് വായ്‌പ്പാനിർണ്ണയ ക്യാമ്പ്; ഇപ്പോൾ അപേക്ഷിക്കാം - Pravasi Vartha PRAVASI

norka roots : പ്രവാസികൾക്ക് നോർക്ക-കേരളാബാങ്ക് വായ്‌പ്പാനിർണ്ണയ ക്യാമ്പ്; ഇപ്പോൾ അപേക്ഷിക്കാം

പ്രവാസികൾക്ക് നോർക്ക-കേരളാബാങ്ക് വായ്‌പ്പാനിർണ്ണയ ക്യാമ്പിൽ അപേക്ഷിക്കാൻ അവസരം. മലപ്പുറം ജില്ലയിലെ പ്രവാസി സംരംഭകർക്കാണ് ഈ അവസരം ലഭ്യമാകുന്നത്. നോർക്ക റൂട്സും കേരളബാങ്കും സംയുക്തമായി ചേർന്ന് 2023 ഡിസംബറിലാണ് വായ്‌പ്പാനിർണ്ണയ ക്യാമ്പ് സംഘടിപ്പിക്കുന്നത് norka roots. നാട്ടിൽ തിരിച്ചെത്തിയ പ്രവാസികളുടെ പുനരധിവാസത്തിന് വേണ്ടി സംസ്ഥാന സർക്കാർ നോർക്ക റൂട്ട്സ് വഴി നടപ്പിലാക്കുന്ന നോർക്ക ഡിപ്പാർട്മെന്റ് പ്രോജക്ട് ഫോർ റിട്ടേൺഡ് എമിഗ്രൻസ് അഥവ എൻഡിപിആർഇഎം (NDPREM), പ്രവാസി ഭദ്രത പദ്ധതികൾ പ്രകാരമാണ് ക്യാമ്പ് നടത്തുന്നത്. നിലമ്പൂരിൽ ഡിസംബർ 19ന് കീർത്തിപടിയിലെ വ്യാപാരഭവൻ ഓഡിറ്റോറിയത്തലും, തിരൂരിൽ ഡിസംബർ 21ന് താഴേപ്പാലം ചേമ്പർ ഓഫ് കോമേഴ്സ് ബിൽഡിംഗിലുമാണ് മേള നടക്കുക. പൊന്നാനിയിൽ ജനുവരി 06 നുമാണ് മേള (വേദി പിന്നീട് അറിയിക്കുന്നതാണ്).

ആർക്കൊക്കെ അപേക്ഷിക്കാം?

വിദേശത്ത് രണ്ട് വർഷത്തിൽ മേലെ ജോലി ചെയ്ത ശേഷം നാട്ടിൽ സ്ഥിരതാമസമാക്കിയ പ്രവാസി കേരളീയർക്ക് പുതിയ സ്വയംതൊഴിൽ സംരംഭങ്ങൾ ആരംഭിക്കുന്നതിനും നിലവിലുള്ളവയുടെ വിപുലീകരണത്തിനും അപേക്ഷിക്കാവുന്നതാണ്. താല്പര്യമുള്ള പ്രവാസികൾക്ക് www.norkaroots.org/ndprem എന്ന വെബ്‌സൈറ്റ് ലിങ്ക് വഴിയോ NDPREM പദ്ധതിയിൽ രജിസ്റ്റർ ചെയ്തോ പങ്കെടുക്കാവുന്നതാണ്. ക്യാമ്പിൽ പങ്കെടുക്കാൻ മുൻകൂട്ടി രജിസ്റ്റർ ചെയ്യുണം. പ്രവാസി കൂട്ടായ്മകൾ, പ്രവാസികൾ ചേർന്ന് രൂപീകരിച്ച കമ്പനികൾ, സൈാസൈറ്റികൾ എന്നിവർക്കും അപേക്ഷിക്കാൻ അർഹതയുണ്ട്.

അപേക്ഷിക്കാൻ വേണ്ട കാര്യങ്ങൾ

രണ്ടു വർഷത്തിൽ കൂടുതൽ വിദേശത്തു ജോലിചെയ്തു എന്ന് തെളിയിക്കുന്ന പാസ്സ്‌പോർട്ടിൻ്റെ കോപ്പിയും, രണ്ട് പാസ്പോർട്ട് സൈസ് ഫോട്ടോയും, ആധാർ കാർഡ്, പാൻകാർഡ്, ഇലക്ഷൻ ഐ ഡി, റേഷൻ കാർഡ്, പദ്ധതി-വിശദീകരണം, പദ്ധതിക്കാവശ്യമായ മറ്റു രേഖകൾ എന്നിവ സഹിതമാണ് ക്യാമ്പിൽ പങ്കെടുക്കേണ്ടത്.

പ്രവാസി പുനരധിവാസ പദ്ധതി പ്രകാരം (NDPREM) പ്രവാസി കിരൺ പ്രവാസി ഭദ്രത എന്നീ പദ്ധതികളാണ് കേരള ബാങ്കുവഴി നടത്തിവരുന്നത്. ഒരു ലക്ഷം രൂപ മുതൽ മുപ്പത് ലക്ഷം രൂപ വരെയുള്ള സംരംഭക പദ്ധതിക്കാണ് ഇതുവഴി വായ്പക്ക് അവസരമുളളത്. കൃത്യമായ വായ്പാ തിരിച്ചടവിന് മൂലധന, പലിശ സബ്സിഡിയും നോർക്ക റൂട്ട്സ് വഴി സംരംഭകർക്ക് നൽകുന്നുണ്ട്. സംശയങ്ങൾക്ക് നോർക്കറൂട്സ് ഹെഡ്ഓഫീസിലെ 0471 -2770511,+91-7736917333 എന്നീ നമ്പറുകളിൽ (ഓഫീസ് സമയത്ത് പ്രവൃത്തി ദിനങ്ങളിൽ) വിളിക്കാവുന്നതാണ്.

യുഎഇയില്‍ വാഹനമോടിക്കുന്നവര്‍ക്ക് ഒരു സന്തോഷ വാര്‍ത്ത

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/JxRiqR7KGM35HvbbRMSFHo

Related Posts

Leave a Reply

Your email address will not be published. Required fields are marked *