അടുത്ത ഏതാനും ആഴ്ചകള്‍ക്കുള്ളില്‍ നിങ്ങള്‍ ഒരു യാത്ര പ്ലാന്‍ ചെയ്യുന്നുണ്ടോ? എങ്കില്‍ നിങ്ങള്‍ക്കൊരു സന്തോഷവാര്‍ത്തയുണ്ട്. പുതിയ അബുദാബി ഇന്റര്‍നാഷണല്‍ എയര്‍പോര്‍ട്ട് ടെര്‍മിനല്‍ എയിലേക്കുള്ള കാരിയറിന്റെ നീക്കം ആഘോഷിക്കാന്‍ എത്തിഹാദ് എയര്‍വേസ് etihad official website ഒരു ഫ്‌ലാഷ് സെയില്‍ പ്രഖ്യാപിച്ചു.
24 മണിക്കൂര്‍ ഫ്‌ലാഷ് സെയില്‍ പ്രകാരം ഇന്ന് (നവംബര്‍ 15 ബുധനാഴ്ച) അര്‍ദ്ധരാത്രിക്ക് മുമ്പ് ബുക്ക് ചെയ്താല്‍ നിങ്ങള്‍ക്ക് 150 ദിര്‍ഹം മുതല്‍ വണ്‍-വേ ഇക്കണോമി ക്ലാസ് ഫ്‌ലൈറ്റുകള്‍ നേടാനാകും. നവംബര്‍ 15 ബുധനാഴ്ച മുതല്‍ ഡിസംബര്‍ 7 വ്യാഴാഴ്ച വരെയുള്ള യാത്രയ്ക്കായി തിരഞ്ഞെടുത്ത സ്ഥലങ്ങളിലേക്ക് പറക്കാം.
ബഹ്റൈനിലേക്കും മസ്‌കറ്റിലേക്കും 150 ദിര്‍ഹം മുതലാണ് ഫ്‌ലൈറ്റുകള്‍ ആരംഭിക്കുന്നത്, 160 ദിര്‍ഹം മുതലുള്ള നിരക്കില്‍ നിങ്ങള്‍ക്ക് കുവൈറ്റ് സന്ദര്‍ശിക്കാം. 250 ദിര്‍ഹത്തിന് മിഡില്‍ ഈസ്റ്റിലെ മറ്റെവിടെയെങ്കിലും, ബെയ്‌റൂട്ടിലേക്കോ അമ്മാനിലേക്കോ പറക്കാം.
ബഹ്റൈന്‍, മസ്‌കറ്റ്, കുവൈറ്റ് എന്നിവിടങ്ങളിലേക്കുള്ള മടക്ക വിമാനങ്ങള്‍ 295ന് ആരംഭിക്കുന്നു, അതേസമയം ബെയ്റൂട്ടിലേക്കും അമ്മാനിലേക്കും തിരിച്ചുള്ള വിമാനങ്ങള്‍ 495 ദിര്‍ഹമാണ്.
അതേസമയം ബ്ലാക്ക് ഫ്രൈഡേയുടെ ഭാഗമായി ഇത്തിഹാദ് എയര്‍വേയ്സ് നവംബര്‍ 24 വെള്ളിയാഴ്ച മുതല്‍ നവംബര്‍ 27 ഞായറാഴ്ച വരെ വില്‍പ്പന പ്രഖ്യാപിച്ചിട്ടുണ്ട്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/JxRiqR7KGM35HvbbRMSFHo
