എത്തിഹാദ് റെയില്‍ നെറ്റ്വര്‍ക്കിലെ ഏറ്റവും ഉയരമുള്ള പാലത്തിന്റെ നിര്‍മ്മാണം പൂര്‍ത്തിയായി. യുഎഇയുടെ ദേശീയ റെയില്‍ ശൃംഖലയായ എത്തിഹാദ് റെയില്‍ ഫുജൈറയിലെ റെയില്‍ പാലത്തിന്റെ വീഡിയോ അധികൃതര്‍ പുറത്ത് വിട്ടിട്ടുണ്ട്. മുഴുവന്‍ നെറ്റ്വര്‍ക്കിലെയും etihad rail network ഏറ്റവും ഉയര്‍ന്ന പാലമാണിത്. വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/FyBPePglCnsDWrIz62s5J9
ഈ വര്‍ഷം ആദ്യം കാര്‍ഗോ ട്രെയിന്‍ ആരംഭിച്ച 900 കിലോമീറ്റര്‍ പാന്‍-യുഎഇ ശൃംഖലയുടെ ഭാഗമായി 40 മീറ്റര്‍ ഉയരത്തില്‍ എത്തുന്ന അല്‍ ബിത്ന റെയില്‍ പാലം 600 മീറ്ററിലധികം നീളുന്നു. സോഷ്യല്‍ മീഡിയ നെറ്റ്വര്‍ക്കില്‍ പങ്കിട്ട വീഡിയോയില്‍, പാലത്തെ ‘മുമ്പ് കണ്ടതില്‍ നിന്ന് വ്യത്യസ്തമായ ഒന്ന്’ എന്ന് വിശേഷിപ്പിച്ചു.
പച്ചപ്പ് നിറഞ്ഞ ഭൂപ്രദേശങ്ങള്‍, പര്‍വതങ്ങള്‍, വീടുകള്‍, ഹൈവേ എന്നിവയിലൂടെ കടന്നുപോകുന്ന പാലം ഫുജൈറയുടെ ഭൂപ്രകൃതിയുടെ ഗംഭീരമായ കാഴ്ച നല്‍കുന്നു. 40 മീറ്റര്‍ ഇടവിട്ട് 14 തൂണുകളാണ് പാലത്തിന് താങ്ങുനല്‍കിയതെന്നും 19 മാസ കാലയളവില്‍ ഏകദേശം 250 തൊഴിലാളികള്‍ ചേര്‍ന്നാണ് പാലം നിര്‍മ്മിച്ചതെന്നും അധികൃതര്‍ വെളിപ്പെടുത്തി.
ഫുജൈറയില്‍ നിന്ന് യുഎഇയുടെ മറ്റ് ഭാഗങ്ങളിലേക്കുള്ള വ്യാപാരം സുഗമമാക്കുന്നതില്‍ ഇത് നിര്‍ണായക പങ്ക് വഹിക്കുമെന്ന് ഇത്തിഹാദ് റെയില്‍ പറഞ്ഞു. ഫുജൈറ തുറമുഖത്ത് ചരക്ക് തീവണ്ടികള്‍ കയറ്റുന്ന ഇത്തിഹാദ് റെയില്‍വേ സ്റ്റേഷന് പിന്നിലെ പ്രവര്‍ത്തനത്തിന്റെ വീഡിയോ കഴിഞ്ഞ ആഴ്ച നെറ്റ്വര്‍ക്ക് പോസ്റ്റ് ചെയ്തിരുന്നു.
An extraordinary shot of Al Bithnah Rail Bridge in Fujairah, unlike any seen before. This structure stretches over 600 meters and reaches a height of 40 meters, marking it as the tallest structure within the railway network. Supported by 14 pillars spaced at 40-meter intervals,… pic.twitter.com/EQMtfWUoPn
— Etihad Rail (@Etihad_Rail) October 30, 2023
ഹോര്‍മുസ് കടലിടുക്കിന് സമീപമുള്ള തന്ത്രപ്രധാനമായ സ്ഥാനം, കിഴക്കിനെയും പടിഞ്ഞാറിനെയും ബന്ധിപ്പിക്കുകയും ഇന്ത്യന്‍ ഉപഭൂഖണ്ഡത്തിലേക്കും കിഴക്കന്‍ ആഫ്രിക്കയിലേക്കും ചരക്ക് നീക്കം സുഗമമാക്കുകയും ചെയ്യുന്നതാണ്. ഇതോടെ ഇത്തിഹാദ് റെയിലിന്റെ ചരക്ക് ടെര്‍മിനലിനുള്ള ഏറ്റവും അനുയോജ്യമായ തിരഞ്ഞെടുപ്പായി ഫുജൈറ തുറമുഖത്തെ മാറ്റും.
മേഖലയിലെ ഏറ്റവും വലിയ ഇന്‍ഫ്രാസ്ട്രക്ചര്‍ പ്രോജക്ടുകളിലൊന്നായ യുഎഇ ദേശീയ റെയില്‍വേ ശൃംഖലയുടെ പ്രധാന ലൈന്‍ സൗദി അറേബ്യയുടെ അതിര്‍ത്തിയിലുള്ള ഘുവീഫാത്ത് മുതല്‍ ഫുജൈറ വരെ നീളുന്നു. 593 പാലങ്ങളുടെയും ക്രോസിംഗുകളുടെയും നിര്‍മ്മാണവും 6.5 കിലോമീറ്റര്‍ നീളമുള്ള ഒമ്പത് തുരങ്കങ്ങളും ഉള്‍പ്പെടെ നിരവധി ഭൂമിശാസ്ത്രപരമായ ഭൂപ്രദേശങ്ങളിലൂടെയാണ് ഇത് കടന്നുപോകുന്നത്.
