അബുദാബി വിമാനത്താവളത്തിന്റെ പേര് ഷെയ്ഖ് സായിദിന്റെ പേരിലേക്ക് മാറ്റും. അന്തരിച്ച ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ പേരില്‍ അബുദാബി അന്താരാഷ്ട്ര വിമാനത്താവളം പുനര്‍നാമകരണം ചെയ്യപ്പെടുമെന്ന് അധികൃതര്‍ അറിയിച്ചു. അബുദാബി വിമാനത്താവളത്തിന്റെ abu dhabi airport ഔദ്യോഗിക നാമം സായിദ് ഇന്റര്‍നാഷണല്‍ എയര്‍പോര്‍ട്ട് എന്നാക്കി മാറ്റാന്‍ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ നിര്‍ദേശം നല്‍കി. വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/FyBPePglCnsDWrIz62s5J9
അബുദാബി ഗവണ്‍മെന്റ് മീഡിയ ഓഫീസ് പറയുന്നതനുസരിച്ച്, ഫെബ്രുവരി 9, 2024 മുതല്‍ പേര് മാറ്റം പ്രാബല്യത്തില്‍ വരും. പുതിയ ടെര്‍മിനല്‍ A നവംബര്‍ 1-ന് പ്രവര്‍ത്തനക്ഷമമാകും. ആദ്യത്തെ രണ്ടാഴ്ച എല്ലാ ടെര്‍മിനലുകളും ഒരേസമയം പ്രവര്‍ത്തിക്കും. നവംബര്‍ 15 മുതല്‍ എല്ലാ എയര്‍ലൈനുകളും ടെര്‍മിനല്‍ എയില്‍ നിന്ന് മാത്രമായി പ്രവര്‍ത്തനം നടത്തും.
അബുദാബി കിരീടാവകാശി ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ ചൊവ്വാഴ്ച പുതിയ ടെര്‍മിനല്‍ സന്ദര്‍ശിച്ചു.
742,000 ചതുരശ്ര മീറ്റര്‍ വിസ്തൃതിയുള്ള ഈ ടെര്‍മിനലിന് വര്‍ഷത്തില്‍ 45 ദശലക്ഷം യാത്രക്കാരെ ഉള്‍ക്കൊള്ളും. പൂര്‍ണ്ണമായി പ്രവര്‍ത്തനക്ഷമമായാല്‍, 28 എയര്‍ലൈനുകള്‍ ടെര്‍മിനല്‍ എയില്‍ നിന്ന് പ്രവര്‍ത്തിക്കും, ഇത് ലോകമെമ്പാടുമുള്ള 117 ലക്ഷ്യസ്ഥാനങ്ങളിലേക്ക് സര്‍വീസ് നടത്തും.
