ദുബായ് മെട്രോയിൽ 30 കിലോമീറ്റർ നീളമുള്ള ബ്ലൂ ലൈൻ കൂടി ഉൾപ്പെടുത്തിയിരിക്കുന്നു. നഗരത്തിലെ പുതിയ പാതയുടെ രൂപകൽപ്പനയ്ക്കും നിർമ്മാണത്തിനുമായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) അടുത്തിടെ പുറത്തിറക്കിയ ടെൻഡറിൻറെ അടിസ്ഥാനത്തിലാണ്, ദുബായ് മെട്രോ ബ്ലൂ ലൈൻ ഉൾപ്പെടുത്തിയിരിക്കുന്നു എന്ന വാർത്ത ശ്രദ്ധിക്കപ്പെടുന്നത്. വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/FyBPePglCnsDWrIz62s5J9
ബ്ലൂ ലൈൻ എന്ന് വിളിക്കപ്പെടുന്ന പുതിയ 30 കിലോമീറ്റർ ട്രാക്കാണ് ദുബായ് മെട്രോയിൽ ചേർക്കുന്നത് എന്ന് ടെൻഡറിൽ നിന്നും വ്യക്തമാണ് . ദുബായിയുടെ ദ്രുതഗതിയിലുള്ള സാമ്പത്തിക, നഗര വളർച്ചയെ നേരിടാൻ ലക്ഷ്യമിടുന്ന ബ്ലൂ ലൈൻ നിലവിലുള്ള റെഡ്, ഗ്രീൻ മെട്രോ ലൈനുകൾക്കിടയിൽ ഒരു ലിങ്ക് നൽകും. ഇതിന്റെ മൊത്തം നീളത്തിന്റെ , 15.5 കിലോമീറ്റർ ഭൂമിക്കടിയിലും 14.5 കിലോമീറ്റർ ഉയരത്തിലും ആയിരിക്കും. ബ്ലൂ ലൈനിൽ 14 സ്റ്റേഷനുകൾ ഉണ്ടാകും. റെഡ്, ഗ്രീൻ ലൈനുകളിലായി നിലവിൽ 53 സ്റ്റേഷനുകളുണ്ട്. ഇത് റെഡ് ലൈനിലെ ജബൽ അലി സ്റ്റേഷൻ മുതൽ ദുബായ് എക്‌സ്‌പോ സിറ്റി വരെയാണ് .
പദ്ധതിയുടെ റൂട്ട്, ചെലവ്, സമയപരിധി എന്നിവ വ്യക്തമാക്കിയിട്ടില്ല. എന്നാൽ സാധ്യതയുള്ള വിതരണക്കാരിൽ നിന്നും കരാറുകാരിൽ നിന്നുമുള്ള ടെൻഡറിൽ 28 പുതിയ ഡ്രൈവറില്ലാ ട്രെയിനുകളുടെ വിതരണവും 60 ട്രെയിനുകൾ വരെ ഉൾക്കൊള്ളാൻ ഒരു പുതിയ ഡിപ്പോയുടെ നിർമ്മാണവും അനുബന്ധമായ എല്ലാ കെട്ടിടങ്ങളുടെയും നിർമ്മാണവും ഉൾപ്പെടുത്തിയിട്ടുണ്ട്.
