നാലാം ഘട്ട സ്തനാര്‍ബുദം ബാധിച്ച ഒരു എമിറാത്തി യുവതി ആരോഗ്യമുള്ള കുഞ്ഞിന് ജന്മം നല്‍കി, ഇത് ലോകത്തിലെ ആദ്യത്തെ കേസായി കണക്കാക്കപ്പെടുന്നു. ഗര്‍ഭധാരണത്തിനും പ്രസവത്തിനും പുറമെ അര്‍ബുദ രോഗത്തിന് യുഎഇയില്‍ ചികിത്സ നടത്തിയ യുവതി ഇപ്പോള്‍ രോഗമുക്തയായി doh abu dhabi . വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HvtDqiz0DSf73aDUi6ujV7
ഇത്തരത്തിലുള്ള ആദ്യ കേസിനെ വൈദ്യശാസ്ത്രപരവും ശാസ്ത്രീയവുമായ അത്ഭുതമായാണ് കണക്കാക്കുന്നതെന്ന് എമിറേറ്റ്സ് ഓങ്കോളജി സൊസൈറ്റി പ്രസിഡന്റ് പ്രൊഫസര്‍ ഹുമൈദ് അല്‍ ഷംസി പറഞ്ഞു. ഒക്ടോബറില്‍ ലോകം സ്തനാര്‍ബുദ ബോധവല്‍ക്കരണ മാസമായി ആചരിക്കുന്നതിനിടെയാണ് കേസിന്റെ വിശദാംശങ്ങള്‍ വെളിപ്പെടുത്തിയത്.
ബുര്‍ജീല്‍ മെഡിക്കല്‍ ഹോള്‍ഡിംഗ്സിലെ മെഡിക്കല്‍ ഓങ്കോളജി ഡയറക്ടറും അബുദാബിയിലെ ബുര്‍ജീല്‍ മെഡിക്കല്‍ സിറ്റിയിലെ കണ്‍സള്‍ട്ടന്റുമായ പ്രൊഫസര്‍ ഹുമൈദ് സ്പെയിനില്‍ നടന്ന ഓങ്കോളജി കോണ്‍ഫറന്‍സില്‍ കേസ് കൈകാര്യം ചെയ്തത്. ”രോഗിയുടെയും കുട്ടിയുടെയും ആരോഗ്യത്തിനായി ഞങ്ങള്‍ ദൈവത്തോട് പ്രാര്‍ത്ഥിക്കുന്നു. രാജ്യത്ത് ക്യാന്‍സര്‍ ചികിത്സിക്കുന്നതിനുള്ള ഏറ്റവും മികച്ച രീതികള്‍ നല്‍കുന്നതില്‍ ഞങ്ങളെ പിന്തുണച്ച നേതൃത്വത്തിന് നന്ദി പറയുന്നു, ”അദ്ദേഹം ട്വിറ്ററില്‍ കുറിച്ചു.
ഈ കേസ് – പിയര്‍-റിവ്യൂഡ് ജനറല്‍ മെഡിക്കല്‍ ജേണലായ ക്യൂറിയസില്‍ അടുത്തിടെയാണ് പ്രസിദ്ധീകരിച്ചത്. ജേണലില്‍ പ്രസിദ്ധീകരിച്ച വിശദാംശങ്ങള്‍ അനുസരിച്ച്, 2015 സെപ്റ്റംബറില്‍ 34വയസ്സുള്ള യുവതിക്ക് മൂന്നാം ഘട്ട സ്തനാര്‍ബുദമാണെന്ന് കണ്ടെത്തി.അതിനാല്‍ ചികിത്സയിലുടനീളം, അവര്‍ ഒരു ഗര്‍ഭാശയ ഉപകരണം (IUD) സൂക്ഷിച്ചു. ഗര്‍ഭിണിയാകാന്‍ ആഗ്രഹിച്ച് യുവതി ഓങ്കോളജി മെഡിക്കല്‍ ടീമുമായി കൂടിയാലോചിക്കാതെ തന്റെ ഐയുഡി നീക്കം ചെയ്യാന്‍ തീരുമാനിച്ചു.
ചികിത്സയുടെ സങ്കീര്‍ണതകള്‍ കാരണം, ഗര്‍ഭം അവസാനിപ്പിക്കുന്നതിനെക്കുറിച്ച് ആലോചിക്കാന്‍ വിദഗധര്‍ അവരെ ഉപദേശിച്ചു.
സ്തനാര്‍ബുദത്തിന്റെ വളര്‍ച്ചയുടെ അപകടസാധ്യത ഉണ്ടായിരുന്നിട്ടും കുട്ടിയെ ലഭിക്കാന്‍ രോഗി ആഗ്രഹിച്ചു, ഗര്‍ഭധാരണം കാരണം യുവതിക്ക് ദീര്‍ഘകാലത്തേക്ക് ചികിത്സയില്‍ നിന്ന് വിട്ടുനില്‍ക്കേണ്ടി വന്നു.
ശേഷം മെഡിക്കല്‍ ടീം എല്ലാ ചികിത്സയും നിര്‍ത്തുകയും പ്രസവം വരെ അവരെ സൂക്ഷ്മമായി നിരീക്ഷിക്കുകയും ചെയ്തു. 2023 ഓഗസ്റ്റില്‍, ഗര്‍ഭാവസ്ഥയുടെ 38 ആഴ്ചകളില്‍, യുവതി ആരോഗ്യവാനായ ഒരു ആണ്‍കുഞ്ഞിന് ജന്മം നല്‍കി. ഗര്‍ഭകാലത്തും പ്രസവസമയത്തും രോഗിക്ക് സങ്കീര്‍ണതകളൊന്നും ഉണ്ടായിരുന്നില്ല.
ജേണലിലെ റിപ്പോര്‍ട്ട് പ്രകാരം യുഎഇയില്‍ ഉള്‍പ്പെടെ ലോകമെമ്പാടുമുള്ള ക്യാന്‍സറിന്റെ ഏറ്റവും സാധാരണമായ രൂപമാണ് സ്തനാര്‍ബുദം. 1000 ഗര്‍ഭിണികളില്‍ ഒരാള്‍ക്ക് സ്തനാര്‍ബുദം വരാമെന്ന് കണക്കുകള്‍ സൂചിപ്പിക്കുന്നു. എന്നാല്‍ കാന്‍സറിന്റെ നാലാം ഘട്ടത്തില്‍ ഗര്‍ഭധാരണം ഒരു ‘അപൂര്‍വ സംഭവമാണ്’.
അമ്മയ്ക്കും കുഞ്ഞിനും നല്ല ഫലം ഉണ്ടായിട്ടും, നാലാം ഘട്ട കാന്‍സര്‍ രോഗികള്‍ക്കിടയില്‍ ഗര്‍ഭധാരണവും പ്രസവവും മെഡിക്കല്‍ സംഘം ശുപാര്‍ശ ചെയ്യുന്നില്ല. ‘അത്തരമൊരു സാഹചര്യം ഒഴിവാക്കുന്നതിന്’ കാന്‍സര്‍ ചികിത്സയ്ക്കിടെ ഫലപ്രദമായ ഗര്‍ഭനിരോധന മാര്‍ഗ്ഗങ്ങള്‍ ഉപയോഗിക്കാന്‍ വിദഗ്ധര്‍ നിര്‍ദ്ദേശിക്കുന്നു.
