uae president: ബോഡി ഗാര്‍ഡോ പ്രോട്ടോക്കോളോ ഇല്ലാതെ തെരുവിലൂടെ നടന്ന് യുഎഇ പ്രസിഡന്റ്; ഹൃദയം കീഴടക്കുന്ന വീഡിയോ കാണാം
യുഎഇ പ്രസിഡന്റ്, ഹിസ് ഹൈനസ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്റെ വിനയവും എളിമയും രാജ്യത്തെ നിവാസികള്‍ക്കിടയില്‍ പ്രശസ്തമാണ്. യുഎഇയിലെ മറ്റ് നേതാക്കളുമായും ജനങ്ങളുമായും അദ്ദേഹം uae president മികച്ച ബന്ധം പങ്കിടുന്നതായി അറിയപ്പെടുന്നു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm
കാവല്‍ക്കാരോ റോഡ് ബ്ലോക്കുകളോ പ്രോട്ടോക്കോളോ ഇല്ലാതെ തെരുവിലൂടെ യുഎഇ റോയല്‍ നടക്കുന്നത് കാണിക്കുന്ന ഒരു വീഡിയോ അടുത്തിടെ സോഷ്യല്‍ മീഡിയയില്‍ പ്രത്യക്ഷപ്പെട്ടിരുന്നു. അദ്ദേഹത്തിന്റെ പെരുമാറ്റം വീണ്ടും ആരാധകരുടെ ഹൃദയം കീഴടക്കിയിരിക്കുകയാണ്. ഒറ്റനോട്ടത്തില്‍, നിങ്ങള്‍ പ്രസിഡന്റിനെ തിരിച്ചറിഞ്ഞിട്ടുണ്ടാകില്ല. അങ്ങനെയാണ് ഹിസ് ഹൈനസിന്റെ സഞ്ചാരം. ഷെയ്ഖ് മുഹമ്മദ് മറ്റേതൊരു താമസക്കാരനെയും പോലെ യാദൃശ്ചികമായി തെരുവിലൂടെ ഉലാത്താറുണ്ടെന്ന് ട്വിറ്ററില്‍ വീഡിയോ പങ്കുവച്ചയാള്‍ എഴുതി.
‘കാവല്‍ക്കാരില്ല, പ്രോട്ടോക്കോളുകളില്ല, റോഡ് ബ്ലോക്കുകളില്ല’, ‘യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് മറ്റേതൊരു വ്യക്തിയെയും പോലെ ഒരു തെരുവിലൂടെ നടക്കുന്നു … യുഎഇ എത്ര സുരക്ഷിതമാണ് … എന്റെ പ്രസിഡന്റ് എത്ര വിനീതനാണ്!’ ട്വിറ്റര്‍ ഉപയോക്താവിന്റെ കുറിപ്പ് ഇങ്ങനെയാണ്.
No guards …
— حسن سجواني 🇦🇪 Hassan Sajwani (@HSajwanization) May 24, 2023
No protocols …
No roadblocks ….
UAE President Sheikh Mohamed bin Zayed walking on a street like any other person … this how safe the UAE is … this is how humble my President is ! 🙏🏼
pic.twitter.com/er5Mad1M1E
യുഎഇയിലെ രാജകുടുംബം ജനങ്ങള്‍ക്കിടയില്‍ നടക്കുന്നത് ഇത് ആദ്യമായല്ല. രണ്ട് വ്യത്യസ്ത സന്ദര്‍ഭങ്ങളില്‍, യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിനെ എമിറേറ്റില്‍ കണ്ടെത്തിയിരുന്നു.
ലോകത്തിലെ ആദ്യത്തെ പ്രവര്‍ത്തിക്കുന്ന 3D പ്രിന്റഡ് ഓഫീസുകളുടെ ഔദ്യോഗിക ഉദ്ഘാടനത്തിനായി എത്തിയ ദുബായ് ഭരണാധികാരിയെ ഡിഐഎഫ്സിയിലെ ചിത്രങ്ങളില്‍ കാണാം. മറ്റൊരിക്കല്‍, ദുബായിലെ കൊക്കകോള അരീനയില്‍ 10,000-ത്തോളം വരുന്ന ജനക്കൂട്ടത്തിനിടയില്‍ ഷെയ്ഖ് മുഹമ്മദ് ഇരിക്കുന്നത് ചിത്രീകരിച്ചിരുന്നു.
Comments (0)