indigo flight : യുഎഇയിലേക്കുള്ള വിമാനത്തില്‍ പറന്നുയരുന്നതിനിടെ പക്ഷിയിടിച്ചു, ഒഴിവായത് വന്‍ ദുരന്തം
യുഎഇയിലേക്കുള്ള വിമാനത്തില്‍ പറന്നുയരുന്നതിനിടെ പക്ഷിയിടിച്ചു. മംഗളൂരു രാജ്യാന്തര വിമാനത്താവളത്തില്‍ നിന്ന് ദുബായിലേക്കുള്ള ഇന്‍ഡിഗോ വിമാനത്തിലാണ് (6E 1467) പറന്നുയരുന്നതിനിടെ indigo flight പക്ഷിയിടിച്ചത്. ഇതേ തുടര്‍ന്ന് യാത്രക്കാരെ ഇറക്കിയ ശേഷം വിമാനത്തിന്റെ സര്‍വീസ് റദ്ദാക്കുകയായിരുന്നു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm
വ്യാഴാഴ്ച രാവിലെ 8.30തോടെയാണ് സംഭവം നടന്നത്. വിമാനം ടാക്സിവേ കടന്ന് പറന്നുയരാന്‍ ഒരുങ്ങിയപ്പോള്‍ ചിറകുകളിലൊന്നില്‍ പക്ഷി ഇടിക്കുകയായിരുന്നു. പൈലറ്റ് ഉടന്‍ എയര്‍ ട്രാഫിക് കണ്‍ട്രോളിനെ (എ.ടി.സി) അറിയിക്കുകയും ടേക് ഓഫ് റദ്ദാക്കുകയും ചെയ്തുവെന്ന് അധികൃതര്‍ അറിയിച്ചു. യാത്രക്കാര്‍ക്ക് ദുബായിലേക്ക് പോകുന്നതിന് ബാംഗ്ലൂര്‍ വഴി പകരം വിമാനം ഏര്‍പ്പെടുത്തി. ഈ വിമാനം രാവിലെ 11.05ന് പുറപ്പെട്ടു. പക്ഷിയിടിച്ച വിമാനം സാങ്കേതിക വിദഗ്ധര്‍ പരിശോധിച്ചു വരികയാണെന്ന് അധികൃതര്‍ വ്യക്തമാക്കി. 160 യാത്രക്കാരായിരുന്നു വിമാനത്തില്‍ ഉണ്ടായിരുന്നത്. വന്‍ ദുരന്തമാണ് ഒഴിവായതെന്നാണ് അധികൃതര്‍ പറയുന്നത്.
Comments (0)