fujairah police : യുഎഇ: ഒന്നിലധികം വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ രണ്ടു പേര്‍ക്ക് ദാരുണാന്ത്യം
ഒന്നിലധികം വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ രണ്ടു പേര്‍ക്ക് ദാരുണാന്ത്യം. ഇന്നലെ നടന്ന ദാരുണമായ റോഡപകടത്തില്‍, 17 വയസ്സുള്ള ആണ്‍കുട്ടിയും 44 വയസ്സുള്ള ഒരു സ്ത്രീ മരണപ്പെട്ടു. മറ്റ് രണ്ട് പേര്‍ ഗുരുതരമായി പരിക്കേറ്റ് ചികില്‍സയിലാണ്. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm ഫുജൈറ തുറമുഖത്തേക്കുള്ള ക്രോസിംഗ് റോഡില്‍ രണ്ട് വാഹനങ്ങള്‍ ട്രക്കുമായി കൂട്ടിയിടിച്ചാണ് അപകടം ഉണ്ടായത്. വിവരം ലഭിച്ചയുടന്‍ ഫുജൈറ പൊലീസ് ജനറല്‍ കമാന്‍ഡ് ഉദ്യോഗസ്ഥര്‍ fujairah police സ്ഥലത്തെത്തി മറ്റ് യാത്രക്കാരെ രക്ഷപ്പെടുത്തി.
അപകടത്തെ തുടര്‍ന്ന് കത്തി പടര്‍ന്ന തീ അണച്ചത് സിവില്‍ ഡിഫന്‍സ് സംഘമാണ്. കത്തിക്കരിഞ്ഞ വാഹനത്തിനുള്ളില്‍ കുടുങ്ങിയ യാത്രക്കാരെ അവര്‍ വിജയകരമായി പുറത്തെടുത്തു. ട്രക്ക് ഡ്രൈവറെയും ഒരു വാഹനത്തിലെ ഡ്രൈവറെയും ദേശീയ ആംബുലന്‍സില്‍ ആശുപത്രിയിലേക്ക് മാറ്റി. എന്നാല്‍, ആദ്യ വാഹനത്തില്‍ പിതാവിനൊപ്പം പോയ ആണ്‍കുട്ടിയും മറ്റ് വാഹനത്തിലുണ്ടായിരുന്ന യുവതിയും മരണത്തിന് കീഴടങ്ങി.
അറബ് ട്രക്ക് ഡ്രൈവര്‍ അമിതഭാരം കയറ്റിയ വാഹനമാണ് ഓടിച്ചിരുന്നതെന്ന് പ്രാഥമിക അന്വേഷണത്തില്‍ തെളിഞ്ഞിട്ടുണ്ട്. ഡ്രൈവര്‍ അനുവദനീയമായ വേഗപരിധി കവിഞ്ഞതാണ് നിയന്ത്രണം നഷ്ടപ്പെടാനും തുടര്‍ന്ന് രണ്ട് കാറുകളുമായി കൂട്ടിയിടിക്കാനും ഇടയാക്കിയതെന്നും കണ്ടെത്തി.
റോഡുകളില്‍ അനുവദനീയമായ പരിധിയില്‍ കൂടുതല്‍ വേഗതയില്‍ ഹെവി വാഹനങ്ങള്‍ ഓടിക്കുന്നതിന്റെ അപകടകരമായ പ്രത്യാഘാതങ്ങളെക്കുറിച്ച് ഫുജൈറ പോലീസ് മുന്നറിയിപ്പ് നല്‍കി. അത്തരം അശ്രദ്ധമായ ഡ്രൈവിംഗ് കാരണം പലപ്പോഴും വാഹനത്തെ നിയന്ത്രിക്കാനുള്ള ഡ്രൈവര്‍ക്ക് സാധിക്കില്ലെന്നും അവര്‍ ഊന്നിപ്പറഞ്ഞു.
Comments (0)