pravasi kshemanidhi പ്രവാസികൾക്ക് ഇനി സേവനങ്ങൾക്കായി കാത്തിരിക്കേണ്ട : പുതിയ പദ്ധതിക്ക് തുടക്കം കുറിച്ച് സർക്കാർ
‘പ്രവാസി മിത്രം’ പോർട്ടൽ റവന്യു, സർവേ സേവനങ്ങൾ
അബുദാബി: ചുവപ്പുനാടയിൽ കുരുങ്ങാതെ പ്രവാസികൾക്ക് pravasi kshemanidhi ലോകത്തെവിടെ നിന്നും കേരളത്തിലെ റവന്യു, സർവേ സേവന അപേക്ഷകൾ വേഗത്തിൽ തീർപ്പാക്കാനും ‘പ്രവാസി മിത്രം’ പോർട്ടൽ 17ന് വൈകിട്ട് 4.30ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. നാട്ടിലെ വസ്തു സംബന്ധമായ പോക്കുവരവ്, വിവിധ രേഖകൾ, മക്കളുടെ ഉന്നത പഠനത്തിന് ആവശ്യമായ സർട്ടിഫിക്കറ്റുകൾ എന്നിവയ്ക്ക് വില്ലേജ് ഓഫിസ്, താലൂക്ക് ഓഫിസ് എന്നിവിടങ്ങളിൽ നൽകിയ അപേക്ഷകളുടെ തുടർനടപടികളും ഇതുവഴി അറിയാം.
പ്രവാസികളുമായി ബന്ധപ്പെട്ട പ്രശ്‌നങ്ങൾ അതതു വകുപ്പുകളുടെ സഹകരണത്തോടെ പരിഹരിച്ചുവരികയാണെന്നും ഒടുവിലത്തെ ഉദാഹരണമാണ് പ്രവാസിമിത്രം പോർട്ടലെന്നും നോർക്ക സിഇഒ ഹരികൃഷ്ണൻ നമ്പൂതിരി പറഞ്ഞു. പോർട്ടലിലൂടെ ലഭിക്കുന്ന പരാതികളും അപേക്ഷകളും കൈകാര്യം ചെയ്യുന്നതിനായി കലക്ടറേറ്റുകളിൽ ഡപ്യൂട്ടി കലക്ടറുടെയും ലാൻഡ് റവന്യു കമ്മിഷണറുടെ ഓഫിസിൽ അസി. കമീഷണറുടെയും നേത്വത്തിൽ പ്രവാസി സെൽ പ്രവർത്തിക്കും.
പ്രവാസികളുടെ ദീർഘനാളത്തെ ആവശ്യം എത്രയും വേഗം യാഥാർഥ്യമാക്കുമെന്ന് റവന്യു മന്ത്രി കെ.രാജൻ നേരത്തെ വ്യക്തമാക്കിയിരുന്നു. വർഷങ്ങളുടെ ഇടവേളകളിൽ ഏതാനും അവധിക്ക് കേരളത്തിൽ എത്തുന്നവർക്ക് റവന്യു ഓഫിസുകളിൽ സമർപ്പിച്ച അപേക്ഷകളുടെ തുടർനടപടികൾ ഇനി വെബ്‌സൈറ്റ് വഴി യഥാസമയം അറിയാമെന്നതാണ് നേട്ടം.
ഒരു പ്രവാസി മലയാളി ജില്ല/സംസ്ഥാന തല ഓഫിസുകളിൽ സമർപ്പിച്ച അപേക്ഷ/പരാതിയുടെ തുടർ നടപടി അറിയാൻ http://pravasimithram.kerala.gov.in എന്ന പോർട്ടലിൽ ലോഗിൻ ചെയ്ത് അപേക്ഷ സമർപ്പിക്കാം. ഈ അപേക്ഷ ജില്ല/സംസ്ഥാന നോഡൽ ഓഫിസറായ ഡപ്യൂട്ടി കളക്ടർ/ അസി. കമ്മിഷണർ എന്നിവർ പരിഗണിക്കും. ബന്ധപ്പെട്ട ഓഫിസുകൾ ഇതിന്മേൽ സ്വീകരിച്ച നടപടികളുടെ വിവരങ്ങൾ ലഭ്യമാക്കി പോർട്ടലിലൂടെ അപേക്ഷകന് കൈമാറും.
വെബ്‌സൈറ്റിൽ പ്രവേശിച്ച് ക്രിയേറ്റ് അക്കൗണ്ട് ഓപ്ഷനിൽ ഇ മെയിൽ നൽകുമ്പോൾ ലഭിക്കുന്ന ഒടിപി (ഒരിക്കൽ മാത്രം ഉപയോഗിക്കാവുന്ന പാസ്‌വേഡ്) ഉപയോഗിച്ച് പുതിയ അക്കൗണ്ട് ക്രിയേറ്റ് ചെയ്യണം. ഇതിനു ശേഷം ഇമെയിലിൽ ലഭിക്കുന്ന മറ്റൊരു ഒടിപി ഉപയോഗിച്ച് ലോഗിൻ ചെയ്യാം. റവന്യു, സർവേ എന്നിവയിൽ സേവനം ആവശ്യമുള്ളവയിൽ ക്ലിക് ചെയ്ത് പ്രവേശിക്കുക.
തുടർന്ന് മുൻപ് നൽകിയ അപേക്ഷകളുടെ വിശദാംശങ്ങൾ (പരാതി നൽകിയ ഓഫിസ്, ഫയൽ നമ്പർ, പരാതി വിഷയം…) എന്നിവ നൽകണം. ഇതുസംബന്ധിച്ച ഏതെങ്കിലും രേഖകൾ ഉണ്ടെങ്കിൽ അതും പിഡിഎഫ് ഫോർമാറ്റിൽ ആക്കി അപ്‌ലോഡ് ചെയ്യാം. പരാതിയുടെ നിജസ്ഥിതി പോർട്ടലിലൂടെ പരിശോധിച്ചറിയാം.
Comments (0)