loss of employment insurance : യുഎഇയുടെ നിര്‍ബന്ധിത തൊഴില്‍ നഷ്ട ഇന്‍ഷുറന്‍സ് പദ്ധതി: പുതിയ രണ്ട് വിഭാഗങ്ങളെ കൂടി ചേര്‍ത്തു
യുഎഇയുടെ നിര്‍ബന്ധിത തൊഴില്‍ നഷ്ട ഇന്‍ഷുറന്‍സ് പദ്ധതിയില്‍ വരിക്കാരാകേണ്ട ജീവനക്കാരുടെ വിഭാഗങ്ങളുടെ എണ്ണം വിപുലീകരിച്ചു, മാനവ വിഭവശേഷി, എമിറേറ്റൈസേഷന്‍ മന്ത്രാലയം (MoHRE) രണ്ട് പുതിയ വിഭാഗങ്ങളെ കൂടി പട്ടികയില്‍ loss of employment insurance ചേര്‍ത്തു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm
ഫ്രീ സോണുകളിലും അര്‍ദ്ധ സര്‍ക്കാര്‍ സ്ഥാപനങ്ങളിലും ജോലി ചെയ്യുന്ന ജീവനക്കാര്‍ക്കും MoHRE അവതരിപ്പിക്കുന്ന തൊഴില്‍ നഷ്ടം (ILoE) പദ്ധതിയില്‍ രജിസ്റ്റര്‍ ചെയ്യാം.
2023 ജനുവരിയില്‍ പദ്ധതി ആരംഭിച്ചതിനുശേഷം വരിക്കാരുടെ എണ്ണം ഒരു ദശലക്ഷം കവിഞ്ഞതായി മന്ത്രാലയം അറിയിച്ചു. പദ്ധതിയില്‍ അംഗമാകാന്‍ അര്‍ഹതയുള്ള ജീവനക്കാര്‍ കവറേജില്‍ നിന്ന് പ്രയോജനം നേടണമെന്നും തൊഴിലുടമകള്‍ ജീവനക്കാരെ വരിക്കാരാകാന്‍ പ്രോത്സാഹിപ്പിക്കണമെന്നും മാനവ വിഭവശേഷി, എമിറേറ്റൈസേഷന്‍ മന്ത്രി ഡോ. അബ്ദുള്‍റഹ്മാന്‍ അല്‍ അവാര്‍ പറഞ്ഞു.
2023 ജനുവരി 1 മുതലാണ് സ്വകാര്യ മേഖലയിലും ഫെഡറല്‍ ഗവണ്‍മെന്റിലും ജോലി ചെയ്യുന്ന ജീവനക്കാര്‍ തൊഴില്‍ നഷ്ട ഇന്‍ഷുറന്‍സില്‍ വരിക്കാരാകുന്നത് മന്ത്രാലയം നിര്‍ബന്ധമാക്കിയത്. ജൂണ്‍ 30-നകം വരിക്കാരായില്ലെങ്കില്‍ ജീവനക്കാര്‍ക്ക് 400 ദിര്‍ഹം പിഴ ചുമത്തും. കൂടാതെ, നിശ്ചിത തീയതി മുതല്‍ മൂന്ന് മാസത്തിലധികം പ്രീമിയം അടയ്ക്കുന്നതില്‍ പരാജയപ്പെട്ടാല്‍ 200 ദിര്‍ഹം പിഴ ചുമത്തും.
ILoE ഇന്‍ഷുറന്‍സ് സ്‌കീമിന് കീഴില്‍, 16,000 ദിര്‍ഹത്തില്‍ താഴെ അടിസ്ഥാന ശമ്പളമുള്ള ജീവനക്കാര്‍ പ്രതിമാസം 5 ദിര്‍ഹം അല്ലെങ്കില്‍ പ്രതിവര്‍ഷം 60 ദിര്‍ഹം കൂടാതെ പ്രീമിയമായി വാറ്റ് നല്‍കേണ്ടതുണ്ട്. 16,000 ദിര്‍ഹത്തിന് മുകളില്‍ അടിസ്ഥാന ശമ്പളമുള്ള ജീവനക്കാര്‍ ഈ സ്‌കീമിന് കീഴില്‍ പ്രതിമാസം 10 ദിര്‍ഹം അല്ലെങ്കില്‍ 120 ദിര്‍ഹം വാര്‍ഷിക പ്രീമിയം നല്‍കേണ്ടതുണ്ട്. തുടര്‍ച്ചയായി മൂന്ന് മാസത്തെ തൊഴില്‍ നഷ്ടത്തിന് ശരാശരി അടിസ്ഥാന ശമ്പളത്തിന്റെ 60 ശതമാനം അവര്‍ക്ക് നഷ്ടപരിഹാരം നല്‍കും.
ഒന്നോ രണ്ടോ വര്‍ഷത്തേക്ക് പോളിസി കാലയളവ് ലഭ്യമാണ്. ദുബായ് ഇന്‍ഷുറന്‍സ്, ILOE വെബ്സൈറ്റ്, അല്‍ അന്‍സാരി എക്സ്ചേഞ്ച്, എടിഎമ്മുകള്‍ എന്നിവയില്‍ നിന്ന് സബ്സ്‌ക്രിപ്ഷനുകള്‍ നടത്താം.
Comments (0)