ദുബായിലെ അല്‍ മക്തൂം പാലം ഭാഗികമായി അടച്ചതായി ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) അറിയിച്ചു. അടച്ചുപൂട്ടാനുള്ള കാരണം അതോറിറ്റി വ്യക്തമാക്കിയിട്ടില്ല. തിങ്കള്‍ മുതല്‍ ശനി വരെ ആഴ്ചയില്‍ ആറ് ദിവസവും പുലര്‍ച്ചെ 12:00 മുതല്‍ പുലര്‍ച്ചെ 5:00 വരെ പാലം dubai famous bridge അടച്ചിട്ടിരിക്കുന്നതിനാല്‍ തങ്ങളുടെ ലക്ഷ്യസ്ഥാനങ്ങളിലെത്താന്‍ ബദല്‍ റൂട്ടുകള്‍ ഉപയോഗിക്കാന്‍ വാഹനമോടിക്കുന്നവരോട് ആര്‍ടിഎ നിര്‍ദ്ദേശിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm 2023 മെയ് 13 ശനിയാഴ്ച വരെ ഈ സമയങ്ങളില്‍ പാലം അടച്ചിടല്‍ തുടരും.
സുഗമമായ യാത്ര ഉറപ്പാക്കുന്നതിന് ഗതാഗതം ബദല്‍ റോഡുകളിലേക്കും ക്രോസിംഗുകളിലേക്കും തിരിച്ചുവിടുന്നതിനുള്ള സംയോജിത പദ്ധതി അതോറിറ്റി തയ്യാറാക്കിയിട്ടുണ്ട്.
ഇതര റൂട്ടുകള്‍:
അല്‍ ഗര്‍ഹൂദ് പാലം
ബിസിനസ് ബേ പാലം
അല്‍ ഷിന്ദഗ ടണല്‍
ഇന്‍ഫിനിറ്റി ബ്രിഡ്ജ്
നേരത്തെ, പ്രധാന അറ്റകുറ്റപ്പണികള്‍ക്ക് വഴിയൊരുക്കുന്നതിനായി 2023 ഏപ്രില്‍ 17 മുതല്‍ 5 ആഴ്ചത്തേക്ക് ഫ്‌ലോട്ടിംഗ് ബ്രിഡ്ജ് ഇരുവശത്തേക്കും അടച്ചതായി ആര്‍ടിഎ പ്രഖ്യാപിച്ചിരുന്നു.